Sunday, 13 June 2021
07 June 2021 New Zealand

ਤੂਫਾਨੀ ਮੌਸਮ ਕਰਕੇ ਕੈਂਟਰਬਰੀ ਦੀ ਵਾਇਮਾਕਾਰੀਰੀ ਨਦੀ ਦੇ ਮੁਹਾਣੇ ‘ਤੇ ਇੱਕਠਾ ਹੋਇਆ ਕਈ ਕਿਲੋਮੀਟਰ ਲੰਬਾ ਮਲਬੇ ਦਾ ਢੇਰ

ਤੂਫਾਨੀ ਮੌਸਮ ਕਰਕੇ ਕੈਂਟਰਬਰੀ ਦੀ ਵਾਇਮਾਕਾਰੀਰੀ ਨਦੀ ਦੇ ਮੁਹਾਣੇ ‘ਤੇ ਇੱਕਠਾ ਹੋਇਆ ਕਈ ਕਿਲੋਮੀਟਰ ਲੰਬਾ ਮਲਬੇ ਦਾ ਢੇਰ - NZ Punjabi News

ਆਕਲੈਂਡ (ਹਰਪ੍ਰੀਤ ਸਿੰਘ) - ਉੱਤਰੀ ਕੈਂਟਬਰੀ ਵਿੱਚ ਬੀਤੇ ਹਫਤੇ ਹੋਈ ਤੂਫਾਨੀ ਬਾਰਿਸ਼ ਦੇ ਨਤੀਜੇ ਵਜੋਂ ਇਲਾਕੇ ਦੀ ਸਭ ਤੋਂ ਵੱਡੀ ਵਾਇਮਾਕਾਰੀਰੀ ਨਦੀ ਦੇ ਮੁਹਾਣੇ 'ਤੇ ਕਈ ਕਿਲੋਮੀਟਰ ਮਲਬੇ ਦੇ ਢੇਰ ਲੱਗਣ ਦੀ ਖਬਰ ਹੈ। ਇਹ ਢੇਰ ਬਾਰਿਸ਼ ਦੇ ਪਾਣੀ ਨਾਲ ਵੱਗ ਕੇ ਆਏ ਟੁੱਟੇ ਦਰੱਖਤ ਤੇ ਝਾੜੀਆਂ ਆਦਿ ਹਨ। ਭਾਂਵੇ ਇਹ ਦੇਖਣ ਨੂੰ ਮਾੜਾ ਲੱਗੇ ਜਾਂ ਇਸ ਦੀ ਸਫਾਈ ਨੂੰ ਕਈ ਮਹੀਨੇ ਲੱਗ ਜਾਣ। ਪਰ ਵਾਤਾਵਰਣ ਮਾਹਿਰਾਂ ਅਨੁਸਾਰ ਇਹ ਜੀਵਾਂ ਦੀਆਂ ਕਈ ਦੇਸੀ ਪ੍ਰਜਾਤੀਆਂ ਦੇ ਲਈ ਚੰਗੇ ਪ੍ਰਭਾਵ ਛੱਡ ਕੇ ਜਾਏਗਾ, ਕਿਉਂਕਿ ਇੱਕਠਾ ਹੋਇਆ ਮਲਬਾ ਇਨ੍ਹਾਂ ਕੁਦਰਤੀ ਜੀਵਾਂ ਦੇ ਪ੍ਰਜਨਣ ਤੇ ਬੱਚੇ ਪੈਦਾ ਕਰਨ ਦੀਆਂ ਕਿਰਿਆਵਾਂ ਲਈ ਅਹਿਮ ਸਾਬਿਤ ਹੋਏਗਾ।
ਇਸ ਤੋਂ ਇਲਾਵਾ ਵੱਡੇ ਦਰੱਖਤ ਆਦਿ ਤਾਂ ਜਦੋਂ ਸਮੁੰਦਰੀ ਪਾਣੀ ਵਿੱਚ ਪੁੱਜ ਗਏ ਤਾਂ ਕਈ ਪ੍ਰਜਾਤੀਆਂ ਲਈ ਘਰ ਸਾਬਿਤ ਹੋਣਗੇ ਤੇ ਜੋ ਛੋਟੀਆਂ ਝਾੜੀਆਂ ਸਮੁੰਦਰ ਵਿੱਚ ਜਾ ਰਲਣਗੀਆਂ, ਉਹ ਭੋਜਨ-ਸ਼ਰੰਖਲਾ ਦਾ ਹਿੱਸਾ ਬਣ ਜਾਣਗੀਆਂ। ਅਜੇ ਇਨ੍ਹਾਂ ਜਿਆਦਾ ਮਲਬਾ ਸਾਫ ਹੋਣ ਨੂੰ ਕਈ ਮਹੀਨੇ ਦਾ ਸਮਾਂ ਲੱਗੇਗਾ ਤੇ ਇਸ ਲਈ ਲੋਕਲ ਰਿਹਾਇਸ਼ੀ ਵੀ ਹਰ ਮੱਦਦ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।

ADVERTISEMENT
NZ Punjabi News Matrimonials