ਆਕਲੈਂਡ (ਹਰਪ੍ਰੀਤ ਸਿੰਘ) - ਨਿਊਜੀਲੈਂਡ ਭਰ ਵਿੱਚ ਇਸ ਵੇਲੇ ਟਰਕਿੰਗ ਇੰਡਸਟਰੀ ਟਰੱਕ ਡਰਾਈਵਰਾਂ ਦੀ ਭਾਰੀ ਘਾਟ ਮਹਿਸੂਸ ਕਰ ਰਹੀ ਹੈ ਤੇ ਟਰਕਿੰਗ ਇੰਡਸਟਰੀ ਦੇ ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਸ ਘਾਟ ਨੂੰ ਪੂਰਾ ਕਰਨ ਲਈ ਇਸ ਕਿੱਤੇ ਵੱਲ ਮਹਿਲਾਵਾਂ ਤੇ ਨੌਜਵਾਨ ਵਰਗ ਨੂੰ ਉਤਸ਼ਾਹਿਤ ਕੀਤੇ ਜਾਣਾ ਸਮੇਂ ਦੀ ਮੰਗ ਹੈ।
ਇੱਕ ਅੰਦਾਜੇ ਅਨੁਸਾਰ ਇਸ ਵੇਲੇ ਕੁੱਲ ਡਰਾਈਵਰਾਂ ਦਾ ਸਿਰਫ 4% ਹੀ ਮਹਿਲਾਵਾਂ ਹਨ, ਇਨ੍ਹਾਂ ਹੀ ਨਹੀਂ 80% ਕੰਪਨੀਆਂ ਕੋਲ ਤਾਂ ਕਦੇ ਮਹਿਲਾ ਡਰਾਈਵਰ ਨੇ ਨੌਕਰੀ ਲਈ ਪਹੁੰਚ ਵੀ ਨਹੀਂ ਕੀਤੀ, ਭਾਵ ਇਨ੍ਹਾਂ ਕੰਪਨੀਆਂ ਨੂੰ ਕਦੇ ਵੀ ਮਹਿਲਾ ਕਰਮਚਾਰੀਆਂ ਨੂੰ ਨੌਕਰੀ ਦੇਣ ਦਾ ਮੌਕਾ ਹੀ ਨਹੀਂ ਮਿਲਿਆ।
ਟਰੱਕ ਡਰਾਈਵਰਾਂ ਦੀ ਇਸ ਘਾਟ ਨੂੰ ਪੂਰਾ ਕਰਨ ਲਈ ਸਰਕਾਰ ਦੀ ਮੱਦਦ ਨਾਲ ਬੀਤੀ ਅਪ੍ਰੈਲ ਤੋਂ ਰੋਡ ਟੂ ਸਕਸੈਸ ਨਾਮ ਦਾ ਪ੍ਰੋਗਰਾਮ ਵੀ ਚਲਾਇਆ ਜਾ ਰਿਹਾ ਹੈ, ਜਿੱਥੇ ਨੌਕਰੀ ਦੌਰਾਨ ਟ੍ਰੈਨਿੰਗ ਦੀ ਸੁਵਿਧਾ ਨਵੇਂ ਡਰਾਈਵਰਾਂ ਨੂੰ ਦਿੱਤੀ ਜਾ ਰਹੀ ਹੈ ਤੇ ਇੱਕ ਸਾਲ ਬਾਅਦ ਇਹ ਨਵੇਂ ਸਿੱਖੇ ਡਰਾਈਵਰ ਕਲਾਸ 5 ਦਾ ਵਹੀਕਲ ਚਲਾ ਸਕਦੇ ਹਨ।