Tuesday, 27 February 2024
09 September 2022 New Zealand

ਮਾਪਿਆਂ ਨੂੰ ਨਿਊਜੀਲੈਂਡ ਪੱਕਾ ਕਰਵਾਉਣ ਨੂੰ ਤਰਸ ਰਹੇ ਵੱਡੀ ਗਿਣਤੀ ਵਿੱਚ ਭਾਰਤੀ ਭਾਈਚਾਰੇ ਦੇ ਲੋਕ

ਮਾਪਿਆਂ ਨੂੰ ਨਿਊਜੀਲੈਂਡ ਪੱਕਾ ਕਰਵਾਉਣ ਨੂੰ ਤਰਸ ਰਹੇ ਵੱਡੀ ਗਿਣਤੀ ਵਿੱਚ ਭਾਰਤੀ ਭਾਈਚਾਰੇ ਦੇ ਲੋਕ - NZ Punjabi News

ਆਕਲੈਂਡ (ਹਰਪ੍ਰੀਤ ਸਿੰਘ) - 2016 ਤੋਂ ਬਾਅਦ ਮਾਪਿਆਂ ਨੂੰ ਨਿਊਜੀਲੈਂਡ ਪੱਕਾ ਕਰਵਾਉਣ ਵਾਲੀ ਵੀਜਾ ਸ਼੍ਰੇਣੀ ਅਜਿਹੀ ਬੰਦ ਹੋਈ ਕਿ ਹੁਣ ਤੱਕ ਭਾਰਤੀ ਭਾਈਚਾਰੇ ਦੇ ਲੋਕ ਵੱਡੀ ਗਿਣਤੀ ਵਿੱਚ ਮਾਪਿਆਂ ਨੂੰ ਨਿਊਜੀਲੈਂਡ ਪੱਕਾ ਕਰਵਾਉਣ ਨੂੰ ਤਰਸ ਰਹੇ ਹਨ। ਹਾਲਾਂਕਿ 2019 ਵਿੱਚ ਇਸ ਵੀਜਾ ਸ਼੍ਰੇਣੀ ਨੂੰ ਖੋਲੇ ਜਾਣ ਦੀ ਗੱਲ ਆਖੀ ਗਈ ਸੀ, ਜਿਸ ਵਿੱਚ ਇਨਕਮ ਥਰੇਸ਼ਹੋਲਡ ਵਧਾਇਆ ਗਿਆ ਸੀ, ਪਰ ਕੋਰੋਨਾ ਮਹਾਂਮਾਰੀ ਕਾਰਨ ਮਾਰਚ 2020 ਵਿੱਚ ਫਿਰ ਤੋਂ ਇਸ ਸ਼੍ਰੇਣੀ ਨੂੰ ਬੰਦ ਕਰ ਦਿੱਤਾ ਗਿਆ।

ਸਤੰਬਰ 2021 ਵਿੱਚ ਸਾਬਕਾ ਇਮੀਗ੍ਰੇਸ਼ਨ ਮਨਿਸਟਰ ਕ੍ਰਿਸ ਫਫੋਈ ਨੇ ਵਨ-ਆਫ ਰੈਜੀਡੈਂਸੀ ਦੀ ਵੀਜਾ ਸ਼੍ਰੇਣੀ ਸ਼ੁਰੂ ਕਰਨ ਦੀ ਗੱਲ ਕਹੀ ਤੇ ਉਸ ਵੇਲੇ ਵੀ ਇਹੀ ਸੀ ਕਿ ਸ਼ਾਇਦ ਮਾਪਿਆਂ ਵਾਲੀ ਵੀਜਾ ਸ਼੍ਰੇਣੀ ਸਬੰਧੀ ਕੁਝ ਚੰਗੀ ਖਬਰ ਆਏਗੀ, ਪਰ ਕੁਝ ਵੀ ਪੱਲੇ ਨਾ ਪਿਆ।
ਫਿਰ ਮੌਜੂਦਾ ਇਮੀਗ੍ਰੇਸ਼ਨ ਮੰਤਰੀ ਮਾਈਕਲ ਵੁੱਡ ਨੇ ਅਹੁਦਾ ਸੰਭਾਲਿਆ ਤੇ ਉਨ੍ਹਾਂ ਤੋਂ ਇਹ ਆਸ ਬੱਝੀ, ਜੋ ਕਿ ਅਜੇ ਤੱਕ ਪੂਰੀ ਹੁੰਦੀ ਨਜਰ ਨਹੀਂ ਆਉਂਦੀ ਤੇ ਇਹ ਦੇਰੀ ਭਾਰਤੀ ਭਾਈਚਾਰੇ ਸਮੇਤ ਹੋਰਾਂ ਭਾਈਚਾਰਿਆਂ ਲਈ ਤਣਾਅ ਦਾ ਵੱਡਾ ਕਾਰਨ ਬਣਦੀ ਨਜਰ ਆ ਰਹੀ ਹੈ।

ADVERTISEMENT
NZ Punjabi News Matrimonials