ਆਕਲੈਂਡ (ਹਰਪ੍ਰੀਤ ਸਿੰਘ): ਕੋਰੋਨਾ ਵਾਇਰਸ ਦੀ ਮਹਾਂਮਾਰੀ ਦੇ ਡਰ ਭਰੇ ਮਾਹੌਲ ਵਿੱਚ ਨਿਊਜੀਲੈਂਡ ਵਾਸੀਆਂ ਰਾਹਤ ਪਹੁੰਚਾਉਣ ਲਈ ਸਰਕਾਰ ਨੇ 'ਕੋਵਿਡ ਵੇਜ ਸਬਸਿਡੀ' ਸਕੀਮ ਸ਼ੁਰੂ ਕੀਤੀ ਸੀ। ਪਰ ਕੋਈ ਕਾਰੋਬਾਰੀ ਇਸ ਦਾ ਦੁਰ ਉਪਯੋਗ ਨਾ ਕਰ ਸਕੇ ਇਸ ਲਈ ਫਾਇਨੈਂਸ ਮਨਿਸਟਰ ਗ੍ਰਾਂਟ ਰਾਬਰਟਸਨ ਨੇ ਸ਼ਿੰਕਜਾ ਕੱਸਿਆ ਹੈ।
ਪਹਿਲਾਂ ਇਸ ਸਕੀਮ ਦਾ ਲਾਭਪਾਤਰੀ ਬਨਣ ਲਈ ਕਾਰੋਬਾਰੀਆਂ ਨੂੰ ਕਰਮਚਾਰੀਆਂ ਦੀ ਪਹਿਲੀ ਕਮਾਈ (ਕੋਰੋਨਾ ਵਾਇਰਸ ਦੇ ਪ੍ਰਭਾਵਿਤ ਹੋਣ ਤੋਂ ਪਹਿਲਾਂਦ ਦੇ ਸਮੇਂ ਦੀ) ਦਾ 80% ਦੇਣਾ ਜਰੂਰੀ ਸੀ, ਪਰ ਹੁਣ ਭਾਂਵੇ ਕੋਈ ਕਾਰੋਬਾਰ ਚੱਲਦਾ ਹੋਏ ਜਾਂ ਨਾ ਮਾਲਕ ਨੂੰ ਇਸ ਸਕੀਮ ਦਾ ਸਾਰਾ ਲਾਹਾ ਆਪਣੇ ਕਰਮਚਾਰੀਆਂ ਨੂੰ ਦੇਣਾ ਹੀ ਜਰੂਰੀ ਹੋਏਗਾ।
ਦੱਸਦੀਏ ਕਿ ਸਰਕਾਰ ਵਲੋਂ ਐਲਾਨੀ $12.1 ਬਿਲੀਅਨ ਦੀ ਵਿੱਤੀ ਮੱਦਦ ਵਿੱਚ ਇਸ ਸਕੀਮ ਰਾਂਹੀ ਕਰਮਚਾਰੀਆਂ ਦੀ ਕਮਾਈ ਸੁਨਿਸ਼ਚਿਤ ਕਰਨਾ ਅਹਿਮ ਸੀ।