Auckland (NZ Punjabi News) – ਨਿਊਜ਼ੀਲੈਂਡ ਦੀ Finance Minister Nicola Willis ਨੇ ਪੁਸ਼ਟੀ ਕੀਤੀ ਹੈ ਕਿ ਸਰਕਾਰ ਆਉਣ ਵਾਲੇ Budget ਵਿੱਚ Fees-Free ਯੂਨੀਵਰਸਿਟੀ ਸਕੀਮ ਨੂੰ ਖਤਮ ਕਰਨ ਜਾ ਰਹੀ ਹੈ। ਇਸ ਤੋਂ ਪਹਿਲਾਂ New Zealand First ਦੇ Winston Peters ਨੇ ਸ਼ੁੱਕਰਵਾਰ ਸ਼ਾਮ Newstalk ZB ਨਾਲ ਗੱਲਬਾਤ ਦੌਰਾਨ ਇਸ ਫੈਸਲੇ ਦਾ ਖੁਲਾਸਾ ਕੀਤਾ ਸੀ। ਬਾਅਦ ਵਿੱਚ ਜਾਰੀ ਬਿਆਨ ਵਿੱਚ Nicola Willis ਨੇ ਕਿਹਾ ਕਿ coalition negotiations ਦੇ ਨਤੀਜੇ ਵਜੋਂ ਅਜਿਹੇ Budget ਫੈਸਲੇ ਲਏ ਗਏ ਹਨ ਜੋ ਨਿਊਜ਼ੀਲੈਂਡ ਵਾਸੀਆਂ ਦੇ ਤੁਰੰਤ ਅਤੇ ਲੰਬੇ ਸਮੇਂ ਦੇ ਹਿਤਾਂ ਨੂੰ ਧਿਆਨ ਵਿੱਚ ਰੱਖਦੇ ਹਨ।
ਉਨ੍ਹਾਂ ਕਿਹਾ, “ਇਸ ਬਾਰੇ ਅਸੀਂ ਜਲਦ ਹੋਰ ਜਾਣਕਾਰੀ ਸਾਂਝੀ ਕਰਾਂਗੇ।”
ਮੌਜੂਦਾ Fees-Free ਸਕੀਮ ਤਹਿਤ ਯੋਗ ਵਿਦਿਆਰਥੀਆਂ ਦੀ tertiary education ਦੇ ਆਖਰੀ ਸਾਲ ਦੀ ਫੀਸ ਸਰਕਾਰ ਵੱਲੋਂ ਭਰੀ ਜਾਂਦੀ ਹੈ। Nicola Willis ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਜਿਹੜੇ ਵਿਦਿਆਰਥੀ ਇਸ ਸਾਲ ਆਪਣੀ ਪੜਾਈ ਪੂਰੀ ਕਰ ਰਹੇ ਹਨ, ਉਹ ਹਾਲੇ ਵੀ ਇਸ ਸਕੀਮ ਲਈ ਯੋਗ ਰਹਿਣਗੇ। ਇਹ ਸਕੀਮ ਪਹਿਲਾਂ ਵਿਦਿਆਰਥੀਆਂ ’ਤੇ ਪੈਣ ਵਾਲੇ ਵਿੱਤੀ ਬੋਝ ਨੂੰ ਘਟਾਉਣ ਦੇ ਉਦੇਸ਼ ਨਾਲ ਸ਼ੁਰੂ ਕੀਤੀ ਗਈ ਸੀ। ਸਰਕਾਰ ਨੇ ਹਾਲੇ ਇਹ ਨਹੀਂ ਦੱਸਿਆ ਕਿ ਇਸਦੀ ਥਾਂ ਕੋਈ ਨਵੀਂ ਯੋਜਨਾ ਲਿਆਂਦੀ ਜਾਵੇਗੀ ਜਾਂ ਨਹੀਂ।
