ਆਕਲੈਂਡ (ਹਰਪ੍ਰੀਤ ਸਿੰਘ) – ਫਾਇਰ ਸੀਜ਼ਨ ਸ਼ੁਰੂ ਹੋਣ ਦੇ ਚਲਦਿਆਂ ਆਕਲੈਂਡ ਵਿੱਚ ਆਉਟਡੋਰ ਫਾਇਰ ਬੈਨ ਲਾਗੂ ਕਰ ਦਿੱਤਾ ਗਿਆ ਹੈ ਤੇ ਅਗਲੇ ਨੋਟਿਸ ਤੱਕ ਇਹ ਜਾਰੀ ਰਹੇਗਾ। ਫਾਇਰ ਐਂਡ ਐਮਰਜੈਂਸੀ ਐਨ ਜੈਡ ਵਾਲਿਆਂ ਨੇ ਸਾਫ ਕਰਤਾ ਹੈ ਕਿ ਜੇ ਕੋਈ ਅਜਿਹਾ ਕਰਨਾ ਚਾਹੁੰਦਾ ਹੈ ਤਾਂ ਉਸਨੂੰ ਪਰਮਿਟ ਲੈਣਾ ਜਰੂਰੀ ਹੋਏਗਾ, ਇਹ ਹੁਕਮ ਕੱਲ ਸਵੇਰੇ 6 ਵਜੇ ਤੋਂ ਲਾਗੂ ਹੋਏਗਾ। ਫਾਇਰ ਐਂਡ ਐਮਰਜੈਂਸੀ ਐਨ ਜੈਡ ਦੇ ਰੀਜਨ ਮੈਨੇਜਰ ਰੋਨ ਡੇਵਲਿਨ ਨੇ ਇਸ ‘ਤੇ ਵਧੇਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਆਕਲੈਂਡ ਵਿੱਚ ਇਸ ਵੇਲੇ ਅੱਗ ਲੱਗਣ ਦਾ ਬਹੁਤ ਜਿਆਦਾ ਖਤਰਾ ਹੈ, ਜਿਸ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ।
