ਆਕਲੈਂਡ (ਹਰਪ੍ਰੀਤ ਸਿੰਘ) – ਮਾਨਾਵਾਟੂ ਦੇ ਇੱਕ ਜੋੜੇ ਨੇ Lotto ਵਿੱਚ $1 ਮਿਲੀਅਨ ਦਾ ਇਨਾਮ ਜਿੱਤਣ ਦੇ ਜਸ਼ਨ ਦੀ ਸ਼ੁਰੂਆਤ KFC ਤੋਂ ਕੀਤੀ ਹੈ। ਜੋੜੇ ਨੇ ਇਸ ਖੁਸ਼ੀ ਦੇ ਮੌਕੇ ‘ਤੇ ਜੋੜੇ ਨੇ ਦੱਸਿਆ ਕਿ ਹੁਣ ਉਹ ਆਪਣਾ ਮੋਰਗੇਜ ਖਤਮ ਕਰਨਗੇ ਤੇ ਇੱਕ ਵਧੀਆ ਜਿੰਦਗੀ ਬਿਤਾਉਣਗੇ।।
ਐਤਵਾਰ ਪਤੀ ਨੇ ਆਨਲਾਈਨ ਪੜ੍ਹਿਆ ਕਿ Palmerston North ਵਿੱਚ ਜਿੱਤ ਵਾਲਾ ਟਿਕਟ ਵਿਕਿਆ ਸੀ। ਉਸ ਨੇ ਆਪਣੇ ਟਿਕਟ ਦੀ ਚੈਕਿੰਗ ਕੀਤੀ ਤੇ ਲਕੀ ਨੰਬਰਾਂ ਨਾਲ ਮੇਲ ਖਾਂਦੇ ਵੇਖ ਕੇ ਦਿਲੋਂ ਸਹਿਮ ਗਿਆ। ਉਸ ਨੇ ਕਿਹਾ,
“ਮੈਂ ਆਪਣਾ ਪੈਨ ਰੱਖਿਆ, ਇੱਕ ਗਹਿਰਾ ਸਾਹ ਲਿਆ ਅਤੇ ਸਾਰੇ ਨੰਬਰਾਂ ਨੂੰ ਦੁਬਾਰਾ ਚੈੱਕ ਕੀਤਾ – ਡ੍ਰੌਅ ਦੀ ਤਾਰੀਖ, ਡ੍ਰੌਅ ਨੰਬਰ ਅਤੇ ਜਿੱਤਣ ਵਾਲੇ ਨੰਬਰਾਂ ਨੂੰ ਯਕੀਨੀ ਬਣਾਇਆ।”
ਉਸ ਨੇ ਆਪਣੀ ਪਤਨੀ ਨੂੰ ਪੁੱਛਿਆ, “ਅਸੀਂ ਲਾਟੋ ਜਿੱਤਣ ਦੀ ਕਿੰਨੀ ਵਾਰੀ ਸੋਚਿਆ ਸੀ – ਹੁਣ ਅਸੀਂ ਜਿੱਤ ਗਏ ਹਾਂ!” ਪਤਨੀ ਨੇ ਸੋਚਿਆ ਕਿ ਉਹ ਮਜ਼ਾਕ ਕਰ ਰਿਹਾ ਹੈ ਪਰ ਜਦੋਂ ਉਸਨੇ ਗੰਭੀਰ ਹੋ ਕੇ ਕਿਹਾ, “ਇਹ ਕੋਈ ਮਜ਼ਾਕ ਨਹੀਂ, ਅਸੀਂ ਇੱਕ ਮਿਲੀਅਨ ਡਾਲਰ ਜਿੱਤੇ ਹਾਂ।”
ਇਹ ਪਹਿਲੀ ਡਿਵੀਜ਼ਨ ਇਨਾਮ Saturday ਦੇ ਡ੍ਰੌਅ ਵਿੱਚ ਜਿੱਤਿਆ ਗਿਆ ਹੈ। ਜੋੜਾ ਆਪਣੀ ਪਛਾਣ ਗੁਪਤ ਰੱਖਣਾ ਚਾਹੁੰਦਾ ਹੈ ਪਰ ਉਹ ਦੱਸਦੇ ਹਨ ਕਿ ਉਹ ਅਕਸਰ Palmerston North ਦੇ Four Square Milson ਤੋਂ ਲਾਟੋ ਟਿਕਟ ਖਰੀਦਦੇ ਹਨ।
