ਯੂਰਪ ਦੀ ਯਾਤਰਾ ਲਈ ਆਸਟ੍ਰੇਲੀਆ ਵਾਸੀਆਂ ਲਈ ਨਵੀਂ ਡਿਜੀਟਲ ਰਜਿਸਟ੍ਰੇਸ਼ਨ ਪ੍ਰਣਾਲੀ ਹੋਈ ਸ਼ੁਰੂ, ਹੋਏ ਵੱਡੇ ਬਦਲਾਅ

ਮੈਲਬੋਰਨ (ਹਰਪ੍ਰੀਤ ਸਿੰਘ) – ਯੂਰਪ ਜਾਣ ਵਾਲੇ ਆਸਟ੍ਰੇਲੀਆਈ ਯਾਤਰੀਆਂ ਲਈ ਹੁਣ ਸਰਹੱਦਾਂ ‘ਤੇ ਨਵਾਂ ਸਿਸਟਮ ਲਾਗੂ ਹੋਣ ਜਾ ਰਿਹਾ ਹੈ, ਜਿਸ ਨਾਲ ਕਤਾਰਾਂ ਲੰਬੀਆਂ ਹੋ ਸਕਦੀਆਂ ਹਨ। 12 ਅਕਤੂਬਰ ਤੋਂ, Schengen Zone ਦੇ 29 ਦੇਸ਼ਾਂ ਵਿੱਚ ਦਾਖ਼ਲ ਹੋਣ ਵਾਲੇ ਹਰ non-EU ਯਾਤਰੀ ਨੂੰ Entry/Exit System (EES) ਰਾਹੀਂ ਰਜਿਸਟਰ ਕਰਨਾ ਪਵੇਗਾ।

*🗺️ Schengen Zone ਕੀ ਹੈ?*

ਇਹ 29 ਦੇਸ਼ਾਂ ਦਾ ਸਮੂਹ ਹੈ (ਵਿੱਚੋਂ ਬਹੁਤੇ EU ਦੇ ਮੈਂਬਰ ਹਨ) ਜਿੱਥੇ ਇੱਕ ਵਾਰ ਦਾਖ਼ਲ ਹੋਣ ਤੋਂ ਬਾਅਦ ਹੋਰ ਮੈਂਬਰ ਦੇਸ਼ਾਂ ਵਿੱਚ ਬਿਨਾਂ ਅਲੱਗ ਵੀਜ਼ਾ ਜਾਂ ਬਾਰਡਰ ਕੰਟਰੋਲ ਦੇ ਯਾਤਰਾ ਕਰ ਸਕਦੇ ਹੋ।

EU ਤੋਂ ਬਾਹਰ ਦੇ ਪਰ Schengen Zone ਵਿੱਚ ਸ਼ਾਮਲ ਦੇਸ਼ ਹਨ: ਆਇਸਲੈਂਡ, ਲਿਚਟਨਸਟਾਈਨ, ਨਾਰਵੇ ਅਤੇ ਸਵਿਟਜ਼ਰਲੈਂਡ।

*📌 ਨਵਾਂ EES ਕੀ ਹੈ?*

• ਇਹ ਸਿਸਟਮ ਪਾਸਪੋਰਟ ਸਟੈਂਪ ਦੀ ਥਾਂ ਡਿਜ਼ਿਟਲ ਰਿਕਾਰਡਿੰਗ ਲਿਆਵੇਗਾ।

• ਯਾਤਰੀਆਂ ਦੇ ਪਾਸਪੋਰਟ ਡਾਟਾ, ਫਿੰਗਰਪ੍ਰਿੰਟਸ ਅਤੇ ਚਿਹਰੇ ਦੀ ਤਸਵੀਰ ਰਜਿਸਟਰ ਹੋਵੇਗੀ।

• 90 ਦਿਨ ਜਾਂ ਘੱਟ ਸਮੇਂ ਲਈ ਆਉਣ ਵਾਲੇ ਸਾਰੇ non-EU ਯਾਤਰੀਆਂ ਨੂੰ ਇਹ ਪ੍ਰਕਿਰਿਆ ਕਰਨੀ ਪਵੇਗੀ।

*🎯 ਮਕਸਦ*

• ਬਾਰਡਰ ਪ੍ਰੋਸੈਸ ਨੂੰ ਤੇਜ਼ ਤੇ ਆਧੁਨਿਕ ਬਣਾਉਣਾ।

• ਜਾਲੀ ਪਛਾਣ ਵਾਲਿਆਂ ਅਤੇ ਜ਼ਿਆਦਾ ਸਮਾਂ ਰਹਿਣ ਵਾਲਿਆਂ ‘ਤੇ ਨਜ਼ਰ ਰੱਖਣਾ।

• ਆਤੰਕਵਾਦ ਅਤੇ ਅਪਰਾਧ ਵਿਰੁੱਧ ਸੁਰੱਖਿਆ ਮਜ਼ਬੂਤ ਕਰਨਾ।

*🇦🇺*ਆਸਟ੍ਰੇਲੀਆਈ ਯਾਤਰੀਆਂ ਲਈ ਕੀ ਬਦਲਾਵ?*

• ਪਾਸਪੋਰਟ ਦੇ ਨਾਲ ਫਿੰਗਰਪ੍ਰਿੰਟਸ ਤੇ ਚਿਹਰੇ ਦੀ ਫੋਟੋ ਲੈਣੀ ਪਵੇਗੀ।

• ਕਈ ਹਵਾਈ ਅੱਡਿਆਂ ‘ਤੇ self-service kiosk ਜਾਂ mobile app ਦੀ ਸਹੂਲਤ ਹੋ ਸਕਦੀ ਹੈ।

• ਸ਼ੁਰੂਆਤੀ ਦਿਨਾਂ ਵਿੱਚ ਲੰਬੀਆਂ ਲਾਈਨਾਂ ਹੋਣ ਦੀ ਸੰਭਾਵਨਾ ਹੈ।

📅 *ਕਦੋਂ ਪੂਰੀ ਤਰ੍ਹਾਂ ਲਾਗੂ ਹੋਵੇਗਾ?*

• 12 ਅਕਤੂਬਰ 2025 ਤੋਂ ਤਰਤੀਬੱਧ ਸ਼ੁਰੂ ਹੋਵੇਗਾ।

• 10 ਅਪ੍ਰੈਲ 2026 ਤੱਕ ਇਹ ਪੂਰੀ ਤਰ੍ਹਾਂ ਕਾਰਗਰ ਹੋ ਜਾਵੇਗਾ।