ਆਕਲੈਂਡ (ਹਰਪ੍ਰੀਤ ਸਿੰਘ) – ਸਿਰਫ਼ 9 ਸਾਲ ਦੀ ਉਮਰ ਵਿੱਚ ਕਾਰਟਿੰਗ ਦੀ ਦੁਨੀਆ ਵਿੱਚ ਕਦਮ ਰੱਖਣ ਵਾਲੀ ਕਰੀਨ ਨੇ ਸਿਰਫ਼ ਗੱਡੀ ਨਹੀਂ ਚਲਾਈ ਬਲਕਿ ਉਮੀਦਾਂ ਨੂੰ ਪਾਰ ਕਰਕੇ ਉਹ ਸਿੰਗਾਪੁਰ ਦੀ ਸਭ ਤੋਂ ਤੇਜ਼ ਮਹਿਲਾ ਕਾਰਟਿੰਗ ਡਰਾਈਵਰ ਬਣੀ ਸੀ ਤੇ ਹੁਣ ਉਹ ਦੁਨੀਆਂ ਦੀ ਪਹਿਲੀ ਮਹਿਲਾ ਸਿੱਖ ਫਾਰਮੂਲਾ 4 ਡਰਾਈਵਰ ਬਣ ਗਈ ਹੈ।
ਉਸਨੇ ਯੂਰਪ ਵਿੱਚ ਰੇਸਾਂ ਲਗਾਈਆਂ, ਐਸ਼ੀਅਨ ਰੇਸਿੰਗ ਟੀਮ ਦੇ ਨਾਲ ਆਪਣੀ ਫਾਰਮੂਲਾ 4 ਦੀ ਟ੍ਰੇਨਿੰਗ ਪੂਰੀ ਕੀਤੀ, ਅਤੇ ਹੁਣ ਉਹ ਸੀਨੀਅਰ ਸ਼੍ਰੇਣੀਆਂ ਵਿੱਚ ਤਜਰਬੇਕਾਰ ਮਰਦ ਡਰਾਈਵਰਾਂ ਦੇ ਖਿਲਾਫ ਨਿਡਰਤਾ ਨਾਲ ਮੁਕਾਬਲਾ ਕਰ ਰਹੀ ਹੈ।
ਕਰੀਨ ਸਿਰਫ਼ ਇਕ ਰੇਸਰ ਨਹੀਂ — ਉਹ ਮੋਟਰਸਪੋਰਟਸ ਵਿੱਚ ਸਿੱਖਾਂ ਅਤੇ ਮਹਿਲਾਵਾਂ ਲਈ ਇੱਕ ਮਿਸਾਲ ਬਣੀ ਹੋਈ ਹੈ। ਜਦੋਂ ਉਹ ਅੰਤਰਰਾਸ਼ਟਰੀ ਟਰੈਕਾਂ ‘ਤੇ ਦੌੜਦੀ ਹੈ, ਉਹ ਦੁਨੀਆਂ ਭਰ ਵਿੱਚ ਵੱਸਦੇ ਸਿੱਖ ਭਾਈਚਾਰੇ ਦਾ ਮਾਣ ਵਧਾ ਦਿੰਦੀ ਹੈ।
