ਆਕਲੈਂਡ (NZ Punjabi News) – ਟਾਕਾਨੀਨੀ ਸਥਿਤ **ਸਿੱਖ ਹੈਰੀਟੇਜ ਸਕੂਲ** ਦੀ ਸੀਨੀਅਰ ਅਧਿਆਪਕਾ **ਕੁਲਵੰਤ ਕੌਰ** ਨੂੰ **2026 Indian Newslink Awards** ਵਿੱਚ **’Service to the Sikh Community’** ਸ਼੍ਰੇਣੀ ਅਧੀਨ ਸਨਮਾਨਿਤ ਕੀਤਾ ਗਿਆ ਹੈ। ਇਹ ਪੁਰਸਕਾਰ ਉਨ੍ਹਾਂ ਨੂੰ ਸਿੱਖ ਭਾਈਚਾਰੇ, ਬੱਚਿਆਂ ਅਤੇ ਸਿੱਖਿਆ ਦੇ ਖੇਤਰ ਵਿੱਚ ਲੰਬੇ ਸਮੇਂ ਤੋਂ ਨਿਭਾਈਆਂ ਜਾ ਰਹੀਆਂ ਸੇਵਾਵਾਂ ਲਈ ਦਿੱਤਾ ਗਿਆ।
ਕੁਲਵੰਤ ਕੌਰ 2006 ਵਿੱਚ ਨਿਊਜ਼ੀਲੈਂਡ ਆਏ ਸਨ। ਇਸ ਤੋਂ ਪਹਿਲਾਂ ਉਹ ਚੰਡੀਗੜ੍ਹ ਵਿੱਚ ਕਰੀਬ **25 ਸਾਲ ਸਕੂਲ ਪ੍ਰਿੰਸੀਪਲ** ਵਜੋਂ ਸੇਵਾ ਨਿਭਾਅ ਚੁੱਕੇ ਸਨ। 2009 ਵਿੱਚ ਉਹ ਸਿੱਖ ਹੈਰੀਟੇਜ ਸਕੂਲ ਨਾਲ ਜੁੜੇ ਅਤੇ ਪਿਛਲੇ **17 ਸਾਲਾਂ ਤੋਂ ਵੱਧ ਸਮੇਂ** ਤੋਂ ਬੱਚਿਆਂ ਨੂੰ ਪੰਜਾਬੀ ਭਾਸ਼ਾ, ਸਿੱਖ ਇਤਿਹਾਸ ਅਤੇ ਸਿੱਖੀ ਮੁੱਲਾਂ ਨਾਲ ਜੋੜਨ ਵਿੱਚ ਅਹਿਮ ਯੋਗਦਾਨ ਪਾਇਆ।
ਸਿੱਖ ਹੈਰੀਟੇਜ ਸਕੂਲ ਪ੍ਰਬੰਧਕ ਕਮੇਟੀ ਅਤੇ ਸਿੱਖ ਭਾਈਚਾਰੇ ਨੇ ਕੁਲਵੰਤ ਕੌਰ ਨੂੰ ਇਸ ਸਨਮਾਨ ਲਈ ਵਧਾਈ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਸਿਰਫ਼ ਕੁਲਵੰਤ ਕੌਰ ਹੀ ਨਹੀਂ, ਸਗੋਂ ਪੂਰੇ ਸਕੂਲ ਅਤੇ ਨਿਊਜ਼ੀਲੈਂਡ ਦੇ ਸਿੱਖ ਭਾਈਚਾਰੇ ਲਈ ਮਾਣ ਵਾਲੀ ਗੱਲ ਹੈ।
