ਆਕਲੈਂਡ (ਹਰਪ੍ਰੀਤ ਸਿੰਘ) - ਕੈਨੇਡਾ ਅੰਡਰ-17 ਹਾਕੀ ਟੀਮ ਲਈ 3 ਪੰਜਾਬੀ ਨੌਜਵਾਨਾਂ ਦੀ ਚੋਣ ਹੋਈ ਹੈ ਤੇ ਇਹ ਸੱਚਮੁੱਚ ਹੀ ਬਹੁਤ ਚੰਗੀ ਖਬਰ ਹੈ। ਤਿੰਨੋਂ ਮੁੱਛ-ਫੁੱਟ ਗੱਭਰੂ ਕੈਲਗਰੀ ਨਾਲ ਸਬੰਧਤ ਹਨ ਅਤੇ ਇੱਕੋ ਹੀ ਕਲੱਬ ਯੂਨਾਇਟੇਡ ਫੀਲਡ ਹਾਕੀ ਤੋਂ ਇਨ੍ਹਾਂ ਨੇ ਟ੍ਰੈਨਿੰਗ ਹਾਸਿਲ ਕੀਤੀ ਹੈ। ਕਲੱਬ ਕੋਚ ਮਨਦੀਪ ਝੱਲੀ ਬੀਤੇ ਲੰਬੇ ਸਮੇਂ ਤੋਂ ਭਾਈਚਾਰੇ ਦੇ ਨੌਜਵਾਨਾਂ ਨੂੰ ਹਾਕੀ ਦੀ ਟ੍ਰੈਨਿੰਗ ਦਿੰਦੇ ਆ ਰਹੇ ਹਨ। ਇਹ ਨੌਜਵਾਨ ਅਗਲੇ ਮਹੀਨੇ ਹੋਣ ਵਾਲੀ ਮਲੇਸ਼ੀਆ ਟੂਰਨਾਮੈਂਟ ਵਿੱਚ ਕੈਨੇਡਾ ਦੀ ਨੁਮਾਇੰਦਗੀ ਕਰਨਗੇ।