ਆਕਲੈਂਡ (ਹਰਪ੍ਰੀਤ ਸਿੰਘ) - ਆਕਲੈਂਡ ਵਿੱਚ ਪ੍ਰਭਜੋਤ ਸਿੰਘ ਜੋ ਟਰੱਕ ਡਰਾਈਵਰ ਵਜੋਂ ਕੰਮ ਕਰਦਾ ਹੈ, ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਹਵਾਹੀ ਖੱਟ ਰਿਹਾ ਹੈ, ਦਰਅਸਲ ਬੀਤੇ ਕੱਲ ਜਦੋਂ ਪ੍ਰਭਜੋਤ ਆਪਣੇ ਟਰੱਕ-ਟਰੇਲਰ ਸਮੇਤ ਵਿਅਸਤ ਹਾਈਵੇਅ 'ਤੇ ਜਾ ਰਿਹਾ ਸੀ ਤਾਂ ਉਸਨੂੰ ਪੁੱਲ ਉਤੋਂ ਇੱਕ ਮਹਿਲਾ ਦਿਖੀ ਜੋ ਛਾਲ ਮਾਰਕੇ ਆਤਮ-ਹੱਤਿਆ ਕਰਨ ਜਾ ਰਹੀ ਸੀ। ਪ੍ਰਭਜੋਤ ਨੇ ਤੁਰੰਤ ਸਿਆਣਪ ਵਰਤੀ ਤੇ ਸਮਾਂ ਰਹਿੰਦਿਆਂ ਟਰੱਕ ਦਾ ਟਰੈਲਰ ਵਾਲਾ ਹਿੱਸਾ ਪੁੱਲ ਹੇਠਾਂ ਰੋਕ ਦਿੱਤਾ, ਜਿਸ ਕਾਰਨ ਮਹਿਲਾ ਜਮੀਨ 'ਤੇ ਡਿੱਗਣ ਦੀ ਥਾਂ ਟਰੈਲਰ 'ਤੇ ਜਾ ਡਿੱਗੀ ਤੇ ਜਾਹਿਰ ਤੌਰ 'ਤੇ ਉਸਦੀ ਮੌਤ ਹੋਣੋ ਬੱਚ ਗਈ।