ਆਕਲੈਂਡ (ਹਰਪ੍ਰੀਤ ਸਿੰਘ) - ਟਾਕਾਨਿਨੀ ਗੁਰੂਘਰ ਵਿਖੇ ਗੁਰੂ ਨਾਨਕ ਦੇਵ ਜੀ ਦੇ ਗੁਰਪੁਰਬ ਨੂੰ ਸਮਰਪਿਤ ਵਿਸ਼ੇਸ਼ ਧਾਰਮਿਕ ਸਮਾਗਮ ਉਲੀਕੇ ਗਏ ਹਨ, ਜਿਨ੍ਹਾਂ ਤਹਿਤ ਬੁੱਧਵਾਰ 13 ਨਵੰਬਰ ਸਵੇਰੇ 8 ਵਜੇ ਨੂੰ ਸ਼੍ਰੀ ਅਖੰਡ ਪਾਠ ਸਾਹਿਬ ਆਰੰਭੇ ਜਾਣਗੇ ਤੇ 15 ਨਵੰਬਰ ਸ਼ਾਮ 4.30 ਵਜੇ ਭੋਗ ਪੈਣਗੇ। ਉਪਰੰਤ ਕੀਰਤਨੀ ਤੇ ਢਾਡੀ ਜੱਥਿਆਂ ਵਲੋਂ ਸੇਵਾਵਾਂ ਨਿਭਾਈਆਂ ਜਾਣਗੀਆਂ ਤੇ ਰਾਤ 9.30 ਵਜੇ ਸ਼ਾਨਦਾਰ ਆਤਿਸ਼ਬਾਜੀ ਕੀਤੀ ਜਾਏਗੀ। ਤਿੰਨੋਂ ਦਿਨ ਲੰਗਰਾਂ ਦੇ ਖੁੱਲੇ ਪ੍ਰਵਾਹ ਜਾਰੀ ਰਹਿਣਗੇ। ਸੰਗਤਾਂ ਇਸ ਮੌਕੇ ਦੂਰੋਂ-ਦੂਰੋਂ ਪੁੱਜ ਰਹੀਆਂ ਹਨ ਤੇ ਆਪ ਸਭ ਨੂੰ ਵੀ ਇਸ ਮੌਕੇ ਗੁਰੂਘਰ ਹਾਜਰੀ ਭਰਨ ਦੀ ਬੇਨਤੀ। ਸ਼੍ਰੀ ਅਖੰਡ ਪਾਠ ਸਾਹਿਬ ਦਾ ਲਾਈਵ ਗੁਰੂਘਰ ਅਤੇ ਐਨਜੈਡ ਪੰਜਾਬੀ ਨਿਊਜ਼ ਦੇ ਫੇਸਬੁੱਕ ਪੇਜ 'ਤੇ ਲਾਈਵ ਚੱਲੇਗਾ।