ਮੈਲਬੋਰਨ (ਹਰਪ੍ਰੀਤ ਸਿੰਘ) - ਨਵਾਂ ਸ਼ਹਿਰ ਦੇ ਬੰਗਾ ਵਿੱਚ ਪਿੰਡ ਸੁੱਜੋ ਦੀ ਰਹਿਣ ਵਾਲੀ ਜਸਮੀਨ ਕੌਰ ਨੇ ਪੁਲਿਸ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਕਿ ਇਸੇ ਸਾਲ ਫਰਵਰੀ 'ਚ ਉਸਦਾ ਵਿਆਹ ਨਵਨੀਤ ਸਿੰਘ ਵਾਸੀ ਪਿੰਡ ਨੋਰਾ ਨਾਲ ਹੋਇਆ ਸੀ ਤੇ ਨਵਨੀਤ ਨੇ ਇਹ ਦੱਸਿਆ ਸੀ ਕਿ ਉਹ ਆਸਟ੍ਰੇਲੀਆ ਪੱਕਾ ਹੈ ਤੇ ਵਿਆਹ ਤੋਂ ਬਾਅਦ ਜਸਮੀਨ ਨੂੰ ਵੀ ਆਸਟ੍ਰੇਲੀਆ ਲੈ ਜਾਏਗਾ।
ਪਰ ਵਿਆਹ ਤੋਂ ਬਾਅਦ ਦੋਨਾਂ ਵਿਚਾਲੇ ਕਲੇਸ਼ ਰਹਿਣ ਲੱਗਾ ਤੇ ਇੱਥੋਂ ਤੱਕ ਕਿ ਨਵਨੀਤ ਦੇ ਮਾਪੇ ਵੀ ਜਸਮੀਨ ਨਾਲ ਕਲੇਸ਼ ਰੱਖਣ ਲੱਗ ਪਏ। ਨਵਨੀਤ ਮਾਰਚ ਵਿੱਚ ਬਿਨ੍ਹਾਂ ਜਸਮੀਨ ਨੂੰ ਦੱਸੇ ਆਸਟ੍ਰੇਲੀਆ ਵਾਪਿਸ ਆ ਗਿਆ ਤੇ ਉਸਤੋਂ ਬਾਅਦ ਉਸਦੇ ਮਾਪੇ ਜਸਮੀਨ ਨਾਲ ਹੋਰ ਕਲੇਸ਼ ਰੱਖਣ ਲੱਗ ਪਏ ਤੇ ਉਸਨੂੰ ਇੱਕ ਦਿਨ ਲੜ੍ਹਕੇ ਘਰੋਂ ਹੀ ਕੱਢ ਦਿੱਤਾ। ਹੁਣ ਜਸਮੀਨ ਨੂੰ ਇਹ ਵੀ ਪਤਾ ਲੱਗਾ ਹੈ ਕਿ ਨਵਨੀਤ ਤਾਂ ਅਜੇ ਆਸਟ੍ਰੇਲੀਆ ਵਿੱਚ ਪੱਕਾ ਵੀ ਨਹੀਂ ਹੋਇਆ। ਜਸਮੀਨ ਦੇ ਮਾਪਿਆਂ ਨੇ ਵਿਆਹ 'ਤੇ ਕਰੀਬ 25 ਲੱਖ ਰੁਪਿਆ ਖਰਚਿਆ ਸੀ।