ਮੈਲਬੋਰਨ (ਹਰਪ੍ਰੀਤ ਸਿੰਘ) - ਸਾਊਥ ਆਸਟ੍ਰੇਲੀਆ ਪੁਲਿਸ ਨੇ ਬਹੁਤ ਹੀ ਚਿੰਤਾਜਣਕ ਆਂਕੜੇ ਪੇਸ਼ ਕੀਤੇ ਹਨ, ਪੁਲਿਸ ਵਲੋਂ ਮਿਲੀ ਜਾਣਕਾਰੀ ਅਨੁਸਾਰ ਸਿਰਫ ਇੱਕ ਹਫਤੇ ਵਿੱਚ ਹੀ 2500 ਡਰਾਈਵਰਾਂ ਨੂੰ ਮੋਬਾਇਲ ਵਰਤੋਂ ਕਾਰਨ $556 ਦਾ ਜੁਰਮਾਨਾ ਕੀਤਾ ਗਿਆ ਹੈ, ਜਦਕਿ ਕਈ ਡਰਾਈਵਰਾਂ ਦੇ ਲਾਇਸੈਂਸ ਰੱਦ ਕੀਤੇ ਜਾਣ ਦੀ ਤਿਆਰੀ ਹੈ।
ਪੁਲਿਸ ਨੇ ਇਹ ਵੀ ਦੱਸਿਆ ਹੈ ਕਿ ਸਤੰਬਰ 18 ਤੱਕ 3 ਮਹੀਨੇ ਦੇ ਗਰੇਸ ਪੀਰੀਅਡ ਦੌਰਾਨ ਉਨ੍ਹਾਂ ਵਲੋਂ 68,000 ਲੋਕਾਂ ਨੂੰ ਵਾਰਨਿੰਗ ਲੇਟਰ ਵੀ ਭੇਜੇ ਗਏ ਸਨ, ਜੋ ਮੋਬਾਇਲ ਵਰਤੋਂ ਕਰਦੇ ਫੜੇ ਗਏ ਸਨ। ਇਨ੍ਹਾਂ ਡਰਾਈਵਰਾਂ ਨੂੰ ਕੈਮਰਿਆਂ ਦੀ ਮੱਦਦ ਨਾਲ ਫੜਿਆ ਗਿਆ ਹੈ ਤੇ 2025 ਤੱਕ ਹੋਰ ਵੀ ਕੈਮਰੇ ਲਾਏ ਜਾਣ ਦੀ ਸੰਭਾਵਨਾ ਹੈ।