ਮੈਲਬੋਰਨ (ਹਰਪ੍ਰੀਤ ਸਿੰਘ) - ਇਹ ਕ੍ਰਿਸ਼ਮਾ ਹੀ ਕਿਹਾ ਜਾ ਸਕਦਾ ਹੈ ਕਿ ਤਸਵੀਰ ਵਿੱਚ ਇੱਕ ਪਤੀ ਆਪਣੀ ਪਤੀ ਨੂੰ ਸਹੀ-ਸਲਾਮਤ ਮਿਲ ਰਿਹਾ ਹੈ। ਸਿਡਨੀ ਸੀਬੀਡੀ ਦੇ ਇਲਾਕੇ ਵਿੱਚ ਇੱਕ ਬਹੁਤ ਹੀ ਦਿਲ-ਦਹਿਲਾ ਦੇਣ ਵਾਲੇ ਹਾਦਸੇ ਵਿੱਚ ਆਸਟ੍ਰੇਲੀਆ ਪੋਸਟ ਦੇ 2 ਕਰਮਚਾਰੀ ਕ੍ਰਿਸ਼ਮਾਈ ਢੰਗ ਨਾਲ ਬਿਨ੍ਹਾਂ ਕਿਸੇ ਸੱਟ ਵੱਜਿਆ ਬੱਚ ਨਿਕਲੇ ਹਨ। ਹਾਦਸਾ ਉਸ ਵੇਲੇ ਵਾਪਰਿਆ ਜਦੋਂ 39 ਮੰਜਿਲਾ ਨਿਰਮਾਣ ਅਧੀਨ ਇਮਾਰਤ 'ਤੇ ਲੱਗੀ ਕਈ ਟਨ ਵਜਨੀ ਸਕੈਫੋਲਡਿੰਗ ਜਮੀਨ 'ਤੇ ਆ ਡਿੱਗੀ ਤੇ ਨੀਚੇ ਖੜੀ ਆਸਟ੍ਰੇਲੀਆ ਪੋਸਟ ਦੀ ਵੈਨ ਇਸ ਹਾਦਸੇ ਵਿੱਚ ਬੁਰੀ ਤਰ੍ਹਾਂ ਨੁਕਸਾਨੀ ਗਈ, ਜਿਸ ਵਿੱਚ ਦੋਨੋਂ ਕਰਮਚਾਰੀ ਮੌਜੂਦ ਸਨ, ਤਸਵੀਰ ਵਿੱਚ ਨੁਕਸਾਨੀ ਗਈ ਵੈਨ ਵੀ ਦੇਖੀ ਜਾ ਸਕਦੀ ਹੈ।