ਮੈਲਬੋਰਨ (ਹਰਪ੍ਰੀਤ ਸਿੰਘ) - ਮੈਲਬੋਰਨ ਤੋਂ 115 ਕਿਲੋਮੀਟਰ ਦੂਰੀ 'ਤੇ ਸਥਿਤ ਸਿਟੀ ਆਫ ਬੇਲਾਰੇਟ ਦੇ ਲਿਉਕਾਜ਼ ਉਪਨਗਰ ਵਿੱਚ ਵਾਪਰੇ ਮੰਦਭਾਗੇ ਹਾਦਸੇ ਵਿੱਚ ਭਾਈਚਾਰੇ ਤੋਂ ਇੱਕ 6 ਸਾਲਾ ਬੱਚੇ ਦੀ ਮੌਕੇ 'ਤੇ ਹੀ ਮੌਤ ਹੋਣ ਦੀ ਖਬਰ ਹੈ। 6 ਸਾਲਾ ਬੱਚਾ, ਜਿਸ ਮਜਦਾ ਸਿਡਾਨ ਵਿੱਚ ਸੀ, ਉਸ ਨੂੰ ਇੱਕ 41 ਸਾਲਾ ਮਹਿਲਾ ਚਲਾ ਰਹੀ ਸੀ ਤੇ ਉਸ ਵਿੱਚ 13 ਸਾਲਾ ਇੱਕ ਹੋਰ ਬੱਚੀ ਵੀ ਸੀ, ਦੋਨਾਂ ਨੂੰ ਹਾਦਸੇ ਵਿੱਚ ਜਖਮੀ ਹੋਣ ਤੋਂ ਬਾਅਦ ਹਸਪਤਾਲ ਭਰਤੀ ਕਰਵਾਇਆ ਗਿਆ ਸੀ। ਜਿਸ ਗੱਡੀ ਨਾਲ ਹਾਦਸਾ ਵਾਪਰਿਆ ਉਹ ਇੱਕ ਐਸ ਯੂ ਵੀ ਸੀ, ਜਿਸਨੂੰ 78 ਸਾਲਾ ਵਿਅਕਤੀ ਚਲਾ ਰਿਹਾ ਸੀ। ਹਾਦਸੇ ਦੇ ਕਾਰਨਾਂ ਦਾ ਪਤਾ ਲਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਪਰ ਇਸ ਬੱਚੀ ਦੀ ਮੌਤ ਕਾਰਨ ਭਾਈਚਾਰੇ ਵਿੱਚ ਸੋਗ ਦੀ ਲਹਿਰ ਹੈ। ਬੱਚੀ ਤੇ ਉਸਦਾ ਪਰਿਵਾਰ ਵਿੰਟਰ ਵੇਲੀ ਦੇ ਰਹਿਣ ਵਾਲੇ ਸਨ।