ਮੈਲਬੋਰਨ (ਹਰਪ੍ਰੀਤ ਸਿੰਘ) - ਭਾਂਵੇ ਆਸਟ੍ਰੇਲੀਆ ਭਰ ਵਿੱਚ ਬੀਤੇ ਕੁਝ ਸਮੇਂ ਤੋਂ ਪੈਟਰੋਲ ਦੇ ਭਾਅ ਵਿੱਚ ਕਮੀ ਆਈ ਹੈ, ਪਰ ਹੁਣ ਦੁਬਾਰਾ ਤੋਂ ਆਸਟ੍ਰੇਲੀਆ ਦੇ ਤਿੰਨ ਵੱਡੇ ਸ਼ਹਿਰ ਮੈਲਬੋਰਨ, ਸਿਡਨੀ ਤੇ ਬ੍ਰਿਸਬੇਨ ਲਈ ਪੈਟਰੋਲ ਦੇ ਭਾਅ ਵਿੱਚ ਵਾਧੇ ਦੀ ਗੱਲ ਕਹੀ ਗਈ ਹੈ। ਡਰਾਈਵਰਾਂ ਨੂੰ ਵੀਕੈਂਡ ਤੋਂ ਪਹਿਲਾਂ ਆਪਣੇ ਪੈਟਰੋਲ ਟੈਂਕ ਭਰਵਾਉਣ ਲਈ ਉਤਸ਼ਾਹਿਤ ਕੀਤਾ ਜਾ ਰਿਹਾ ਹੈ ਤਾਂ ਕਿ ਡਰਾਈਵਰ ਭਾਅ ਵਧਣ ਤੋਂ ਪਹਿਲਾਂ ਕੁਝ ਲਾਹਾ ਹਾਸਿਲ ਕਰ ਸਕਣ। ਐਨ ਆਰ ਐਮ ਏ ਦੀ ਮੰਨੀਏ ਤਾਂ ਇੱਕ ਫੁੱਲ ਟੈਂਕ ਮਗਰ ਡਰਾਈਵਰਾਂ ਨੂੰ ਵੀਕੈਂਡ ਤੋਂ $20 ਜਿਆਦਾ ਦੇਣੇ ਪੈ ਸਕਦੇ ਹਨ।