ਮੈਲਬੋਰਨ (ਹਰਪ੍ਰੀਤ ਸਿੰਘ) - ਬ੍ਰਿਸਬੇਨ ਦੀ ਇੱਕ ਇੱਕਲੀ ਮਾਂ ਵਲੋਂ ਬ੍ਰਿਸਬੇਨ ਹੀ ਨਹੀਂ ਬਲਕਿ ਆਸਟ੍ਰੇਲੀਆ ਦੇ ਲੋਟੋ ਦੇ ਇਤਿਹਾਸ ਦੀ ਹੁਣ ਤੱਕ ਦੀ ਸਭ ਤੋਂ ਵੱਡੀ ਇਨਾਮੀ ਰਾਸ਼ੀ ਜਿੱਤੀ ਗਈ ਹੈ। ਮਹਿਲਾ ਨੇ $100 ਮਿਲੀਅਨ ਦਾ ਇਨਾਮ ਫਰਸਟ ਡਵੀਜਨ ਇਨਾਮ ਤਹਿਤ ਜਿੱਤਿਆ ਹੈ।
ਮਹਿਲਾ ਨੇ ਦੱਸਿਆ ਕਿ ਟਿਕਟ ਉਸਨੇ ਆਪਣੇ ਜਨਮ ਦਿਨ ਮੌਕੇ ਕੀਤੀ ਜਾ ਰਹੀ ਸ਼ਾਪਿੰਗ ਦੌਰਾਨ ਖ੍ਰੀਦੀ ਸੀ ਤੇ ਉਹ ਕਾਰ ਦੇ ਗਲਵਜ਼ ਬਾਕਸ ਵਿੱਚ ਰੱਖਕੇ ਉਸਨੂੰ ਭੁੱਲ ਹੀ ਗਈ ਸੀ, ਪਰ ਬੀਤੀ ਸਵੈਰ ਜਦੋਂ ਉਹ ਸ਼ਿਫਟ ਤੋਂ ਵਾਪਿਸ ਆ ਰਹੀ ਸੀ ਤਾਂ ਉਸਨੂੰ ਪਤਾ ਲੱਗਾ ਕਿ ਸੂਬੇ ਵਿੱਚ ਹੀ ਕਿਸੇ ਦਾ $100 ਮਿਲੀਅਨ ਦਾ ਇਨਾਮ ਨਿੱਕਲਿਆ ਹੈ ਤੇ ਜੈਤੂ ਦੀ ਭਾਲ ਜਾਰੀ ਹੈ ਤਾਂ ਉਸਨੇ ਟਿਕਟ ਲੱਭਣੀ ਸ਼ੁਰੂ ਕੀਤੀ।
ਮਹਿਲਾ ਨੇ ਇਹ ਵੀ ਦੱਸਿਆ ਕਿ ਉਸਨੂੰ ਤਾਂ ਇਹ ਵੀ ਪਤਾ ਨਹੀਂ ਕਿ ਉਹ ਇਨੇਂ ਪੈਸੇ ਦਾ ਕਰੇਗੀ ਕੀ, ਕਿਉਂਕਿ ਉਸਨੇ ਆਪਣੀ ਸਾਰੀ ਜਿੰਦਗੀ ਸੰਘਰਸ਼ ਕੀਤਾ ਹੈ ਅਤੇ ਹੁਣ ਇਸ ਪੈਸੇ ਨਾਲ ਜੋ ਸੁੱਖ-ਸੁਵਿਧਾਵਾਂ ਭਰੀ ਜਿੰਦਗੀ ਉਸਨੂੰ ਮਿਲੇਗੀ, ਉਸਤੋਂ ਉਹ ਬਹੁਤ ਖੁਸ਼ ਹੈ।