ਆਕਲੈਂਡ (ਹਰਪ੍ਰੀਤ ਸਿੰਘ) - ਸਿਡਨੀ ਦੇ ਦੱਖਣ-ਪੱਛਮ ਵਿੱਚ ਫੈਲ ਰਹੀ ਅੱਗ ਲਗਾਤਾਰ ਰਿਹਾਇਸ਼ੀਆਂ ਲਈ ਮੁਸੀਬਤ ਸਾਬਿਤ ਹੋ ਰਹੀ ਹੈ। ਅੱਗ ਨੂੰ ਬੁਝਾਉਣ ਲਈ ਹਵਾਈ ਮੱਦਦ ਸਮੇਤ ਦਰਜਨਾਂ ਐਮਰਜੈਂਸ ਵਿਭਾਗ ਦੀਆਂ ਗੱਡੀਆਂ ਤੇ 80 ਦੇ ਕਰੀਬ ਫਾਇਰ ਵਿਭਾਗ ਦੇ ਕਰਮਚਾਰੀ ਮੁਸ਼ੱਕਤ ਕਰ ਰਹੇ ਹਨ।
ਐਮਰਜੈਂਸੀ ਕਰਮਚਾਰੀਆਂ ਵਲੋਂ 12 ਹੈਕਟੇਅਰ ਜਮੀਨ 'ਤੇ ਲੱਗੇ ਘਾਹ ਨੂੰ ਵੀ ਖਤਮ ਕਰ ਦਿੱਤਾ ਗਿਆ ਹੈ, ਪਰ ਇਸਦੇ ਬਾਵਜੂਦ ਸੈਂਕੜੇ ਘਰਾਂ ਨੂੰ ਖਤਰਾ ਬਣਿਆ ਹੋਇਆ ਹੈ ਤੇ ਰਿਹਾਇਸ਼ੀਆਂ ਨੂੰ ਤੁਰੰਤ ਐਮਰਜੈਂਸੀ ਸ਼ੈਲਟਰ ਵਿੱਚ ਜਾਣ ਦੀ ਸਲਾਹ ਹੈ।