ਮੈਲਬੋਰਨ (ਹਰਪ੍ਰੀਤ ਸਿੰਘ) - ਮੈਲਬੋਰਨ ਵਿੱਚ ਹੋਏ ਐਂਟੀ-ਵਾਰ ਪ੍ਰੋਟੈਸਟ ਵਿੱਚ ਹਿੰਸਾ ਕਰਨ ਵਾਲੇ 9 ਜਣਿਆਂ ਦੀ ਭਾਲ ਮੈਲਬੋਰਨ ਪੁਲਿਸ ਵਲੋਂ ਕੀਤੀ ਜਾ ਰਹੀ ਹੈ ਤੇ ਇਸ ਸਬੰਧ ਵਿੱਚ ਪੁਲਿਸ ਨੇ ਦੋਸ਼ੀਆਂ ਦੀਆਂ ਤਸਵੀਰਾਂ ਵੀ ਜਾਰੀ ਕੀਤੀਆਂ ਹਨ। ਮੈਲਬੋਰਨ ਦੇ ਕਨਵੈਂਸ਼ਨ ਸੈਂਟਰ ਵਿੱਚ ਹੋ ਰਹੇ ਲੈਂਡ ਫੋਰਸਜ਼ ਐਕਸਪੋ ਨੂੰ ਦੇਖਣ ਪੁੱਜੇ ਕਈ ਲੋਕਾਂ ਅਤੇ ਕਰੀਬ 27 ਪੁਲਿਸ ਵਾਲਿਆਂ ਨੂੰ ਦੋਸ਼ੀਆਂ ਵਲੋਂ ਜਖਮੀ ਕੀਤਾ ਗਿਆ ਸੀ। ਇਨ੍ਹਾਂ ਦੋਸ਼ੀਆਂ ਨੇ ਪੱਥਰ, ਕੈਮੀਕਲ, ਘੋੜਿਆਂ ਦੀ ਲਿੱਧ, ਗਲੇ-ਸੜੇ ਆਂਡਿਆਂ ਦੀ ਵਰਤੋਂ ਕੀਤੀ ਸੀ।