ਮੈਲਬੋਰਨ (ਹਰਪ੍ਰੀਤ ਸਿੰਘ) - ਆਪਣੇ ਭਾਰਤੀ ਦੌਰੇ ਤੋਂ ਮੁੜਣ ਦੇ ਸਿਰਫ 2 ਮਹੀਨੇ ਅੰਦਰ ਹੀ ਪ੍ਰੀਮੀਅਰ ਜੈਸਿੰਟਾ ਐਲਨ ਨੇ ਐਲਾਨ ਕਰਦਿਆਂ ਦੱਸਿਆ ਹੈ ਕਿ ਮੈਲਬੋਰਨ ਦੇ ਜੋਨ ਕੇਨ ਐਰੀਨਾ ਵਿਖੇ ਇਸੇ ਸਾਲ 29 ਦਸੰਬਰ ਨੂੰ ਕਬੱਡੀ ਪ੍ਰੋ ਲੀਗ ਕਰਵਾਈ ਜਾ ਰਹੀ ਹੈ। ਕਬੱਡੀ ਪ੍ਰੋ ਲੀਗ ਇੱਕ ਅੰਤਰ-ਰਾਸ਼ਟਰੀ ਇਵੈਂਟ ਵਜੋਂ ਮਨਾਈ ਜਾਏਗੀ ਤੇ ਪਹਿਲੇ ਮੈਚ ਦੀ ਸ਼ੁਰੂਆਤ ਆਸਟ੍ਰੇਲੀਆ ਤੇ ਇੰਡੀਆ ਦੇ ਖਿਡਾਰੀਆਂ ਤੋਂ ਹੋਏਗੀ। ਟਿਕਟਾਂ ਦੀ ਵਿਕਰੀ 12 ਨਵੰਬਰ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ। ਬੱਚਿਆਂ ਦੀ ਟਿਕਟ $10 ਦੀ ਅਤੇ ਵੱਡਿਆਂ ਦੀ ਟਿਕਟ $55 ਦੀ ਰੱਖੀ ਗਈ ਹੈ।