ਆਕਲੈਂਡ (ਹਰਪ੍ਰੀਤ ਸਿੰਘ) - ਬੀਤੀ ਰਾਤ ਦਾ ਲੋਟੋ ਦਾ $44.06 ਮਿਲੀਅਨ ਦਾ ਜੈਕਪੋਟ ਇਨਾਮ ਆਕਲੈਂਡ ਵਾਸੀਆਂ ਵਲੋਂ ਜਿੱਤਿਆ ਗਿਆ ਹੈ। ਇਸ ਟਿਕਟ ਨੂੰ ਆਨਲਾਈਨ ਖ੍ਰੀਦਿਆ ਗਿਆ ਸੀ ਅਤੇ ਇਹ ਇਨਾਮ 2016 ਵਿੱਚ ਆਕਲੈਂਡ ਦੇ ਜੋੜੇ ਵਲੋਂ ਜਿੱਤੇ ਜੈਕਪੋਟ ਦੀ ਹੁਣ ਤੱਕ ਦੀ ਸਭ ਤੋਂ ਵੱਡੀ ਇਨਾਮੀ ਰਾਸ਼ੀ ਦਾ ਮੁਕਾਬਲਾ ਕਰਦਾ ਹੈ, ਪਰ ਕਿਉਂਕਿ ਇਸ ਨਵੇਂ ਜੈਤੂ ਨੂੰ ਲੋਟੋ ਫਰਸਟ ਡਵੀਜਨ ਦਾ $66,667 ਦਾ ਇਨਾਮ ਵੀ ਹਾਸਿਲ ਹੋਇਆ ਹੈ, ਇਸੇ ਲਈ ਇਹ ਇਨਾਮੀ ਜੈਕਪੋਟ ਰਾਸ਼ੀ ਨਿਊਜੀਲੈਂਡ ਦੇ ਲੋਟੋ ਇਤਿਹਾਸ ਦੀ ਸਭ ਤੋਂ ਵੱਡੀ ਇਨਾਮੀ ਰਾਸ਼ੀ ਦਾ ਰਿਕਾਰਡ ਸਥਾਪਿਤ ਕਰਦਾ ਹੈ।