ਆਕਲੈਂਡ (ਹਰਪ੍ਰੀਤ ਸਿੰਘ) - ਆਕਲੈਂਡ ਵਿੱਚ ਅਲਕੋਹਲ ਵਿਕਰੀ ਨੂੰ ਲੈਕੇ ਲਾਗੂ ਹੋਣ ਵਾਲੇ ਨਵੇਂ ਸਖਤ ਨਿਯਮ ਜਲਦ ਹੀ ਲਾਗੂ ਹੋਣ ਜਾ ਰਹੇ ਹਨ, ਜਿਨ੍ਹਾਂ ਦੇ ਤਹਿਤ ਹੋਰ ਕਈ ਨਿਯਮਾਂ ਤੋਂ ਇਲਾਵਾ ਅਲਕੋਹਲ ਦੀ ਵਿਕਰੀ ਰਾਤ 9 ਵਜੇ ਤੱਕ ਕਰਨ ਦਾ ਫੈਸਲਾ ਲਿਆ ਗਿਆ ਹੈ, ਜਦਕਿ ਹੁਣ ਤੱਕ ਲਿਕਰ ਸਟੋਰ ਮਾਲਕ 11 ਵਜੇ ਤੱਕ ਲਿਕਰ ਵੇਚ ਸਕਦੇ ਸਨ।
ਇਸ ਸਭ ਤੋਂ ਲਿਕਰ ਸਟੋਰ ਮਾਲਕ ਬਹੁਤ ਪ੍ਰੇਸ਼ਾਨ ਹਨ ਅਤੇ ਉਨ੍ਹਾਂ ਦਾ ਕਹਿਣਾ ਹੈ ਕਿ ਸ਼ਾਮ ਦੇ ਜਿਆਦਾ ਸਮੇਂ ਹੀ ਉਨ੍ਹਾਂ ਦਾ ਕਾਰੋਬਾਰ ਚੱਲਦਾ ਹੈ ਅਤੇ ਅਜਿਹੇ ਵਿੱਚ ਜੇ ਉਹ 9 ਵਜੇ ਆਪਣੇ ਕਾਰੋਬਾਰ ਬੰਦ ਕਰ ਦੇਣਗੇ ਤਾਂ ਉਨ੍ਹਾਂ ਦੀ ਵਿਕਰੀ 'ਤੇ ਇਸ ਦਾ ਬੁਰਾ ਅਸਰ ਪਏਗਾ ਅਤੇ ਨਤੀਜੇ ਵਜੋਂ ਉਨ੍ਹਾਂ ਨੂੰ ਕਾਰੋਬਾਰ ਬੰਦ ਕਰਨੇ ਪੈ ਸਕਦੇ ਹਨ।