ਆਕਲੈਂਡ (ਹਰਪ੍ਰੀਤ ਸਿੰਘ) - ਆਪਣੇ ਪਰਿਵਾਰ ਦੇ ਹਾਲਾਤ ਸੁਧਾਰਨ ਨਿਊਜੀਲੈਂਡ ਸਿਰਫ 2 ਮਹੀਨੇ ਪਹਿਲਾਂ ਵਰਕ ਵੀਜਾ 'ਤੇ ਆਏ ਪੰਜਾਬੀ ਨੌਜਵਾਨ ਦੀ ਕਿਸਮਤ ਅਜਿਹੀ ਚਮਕੀ ਹੈ ਕਿ ਜੇ ਉਦਾਹਰਨ ਦਈਏ ਤਾਂ ਇਸ ਨੂੰ ਸੈਂਕੜੇ ਜਾਂ ਹਜਾਰਾਂ ਨਹੀਂ ਬਲਕਿ ਲੱਖਾਂ ਵਿੱਚੋਂ ਮਿਿਲਆ ਇੱਕ ਮੌਕਾ ਕਹਿ ਸਕਦੇ ਹਾਂ।

ਨੌਜਵਾਨ ਦੀ $1 ਮਿਲੀਅਨ ਦੀ ਲਾਟਰੀ ਨਿੱਕਲੀ ਹੈ, ਨੌਜਵਾਨ ਜੋ ਦੁਆਬੇ ਦੇ ਖੇਤਰ ਨਾਲ ਸਬੰਧਤ ਹੈ ਅਤੇ ਬਹੁਤ ਹੀ ਸਧਾਰਨ ਤੇ ਮੱਧਵਰਗੀ ਪਰਿਵਾਰ ਨਾਲ ਸਬੰਧਤ ਹੈ, ਉਸਦਾ ਕਹਿਣਾ ਹੈ ਕਿ ਉਸਨੇ ਅੱਜ ਤੱਕ ਨਾ ਤਾਂ ਪੰਜਾਬ ਵਿੱਚ ਕਦੇ ਲਾਟਰੀ ਪਾਈ ਸੀ ਤੇ ਨਾ ਹੀ ਕਦੇ ਨਿਊਜੀਲੈਂਡ, ਇਹ ਉਸਦਾ ਪਹਿਲਾ ਮੌਕਾ ਸੀ, ਜਦੋਂ ਉਸਨੇ ਲੋਟੋ ਖ੍ਰੀਦੀ ਅਤੇ ਪਹਿਲੀ ਵਾਰ ਹੀ ਉਸਦੀ ਲਾਟਰੀ ਲੱਗ ਗਈ। ਨੌਜਵਾਨ ਆਕਲੈਂਡ ਦੇ ਟਾਕਾਨਿਨੀ ਰਹਿ ਰਿਹਾ ਹੈ।