ਆਕਲੈਂਡ (ਹਰਪ੍ਰੀਤ ਸਿੰਘ) - ਨਿਊਜੀਲੈਂਡ/ ਆਸਟ੍ਰੇਲੀਆ ਦੇ ਦੌਰੇ 'ਤੇ ਆਏ ਹੋਏ ਪੰਜਾਬੀਆਂ ਦੇ ਹਰਮਨ ਪਿਆਰੇ ਗਾਇਕ ਹਰਭਜਨ ਮਾਨ ਦਾ ਆਕਲੈਂਡ ਵਾਲਾ ਸ਼ੋਅ ਆਉਂਦੀ 7 ਸਤੰਬਰ ਦਿਨ ਸ਼ਨੀਵਾਰ ਨੂੰ ਮੈਨੂਕਾਊ ਡਿਊ ਡਰੋਪ ਸੈਂਟਰ ਵਿਖੇ ਹੋਣ ਜਾ ਰਿਹਾ ਹੈ। ਹਰਭਜਨ ਮਾਨ ਦੀ ਗਾਇਕੀ ਦੇ ਨਿਊਜੀਲੈਂਡ ਵਾਲੇ ਇਨੇਂ ਜਿਆਦਾ ਮੁਰੀਦ ਹਨ ਕਿ ਗਾਇਕ ਦਾ ਹਫਤਾ ਪਹਿਲਾਂ ਹੀ ਸ਼ੋਅ ਸੋਲਡ ਆਊਟ ਹੋ ਚੁੱਕਾ ਹੈ। ਇਸ ਲਈ ਹਰਭਜਨ ਮਾਨ ਤੇ ਸ਼ੋਅ ਦੇ ਸਪਾਂਸਰਾਂ ਵਲੋਂ ਆਕਲੈਂਡ ਵਾਸੀਆਂ ਦਾ ਦਿਲੋਂ ਧੰਨਵਾਦ ਕੀਤਾ ਗਿਆ ਹੈ। ਦੱਸਦੀਏ ਕਿ ਹਰਭਜਨ ਮਾਨ ਦੇ ਬਾਕੀ ਦੇ ਨਿਊਜੀਲੈਂਡ ਦੇ ਸ਼ੋਅ ਵੀ ਲਗਭਗ ਸੋਲਡ ਆਊਟ ਹੋ ਚੁੱਕੇ ਹਨ ਤੇ ਜੇ ਤੁਸੀਂ ਟਿਕਟ ਬੁੱਕ ਕਰਨ ਦੀ ਸੋਚ ਰਹੇ ਹੋ ਤਾਂ ਅੱਜ ਹੀ ਟਿਕਟ ਬੁੱਕ ਕਰੋ।