ਆਕਲੈਂਡ (ਹਰਪ੍ਰੀਤ ਸਿੰਘ) - ਡੁਨੇਡਿਨ ਪੁਲਿਸ ਨੇ ਇੱਕ ਨੌਜਵਾਨ ਮੁਟਿਆਰ ਨੂੰ ਗ੍ਰਿਫਤਾਰ ਕੀਤਾ ਹੈ, ਜਿਸ ਕੋਲ ਨਸ਼ੀਲੇ ਪਦਾਰਥ, ਉਨ੍ਹਾਂ ਦੀ ਲੈਣ-ਦੇਣ ਦੀ ਡਿਟੈਲ ਤੇ ਕਈ ਹਥਿਆਰ ਮੌਕੇ 'ਤੇ ਬਰਾਮਦ ਹੋਏ ਹਨ। ਦਰਅਸਲ ਗ੍ਰਿਫਤਾਰ ਹੋਈ ਮਹਿਲਾ ਜਦੋਂ ਸੜਕ 'ਤੇ ਜਾ ਰਹੀ ਸੀ ਤਾਂ ਉਸ ਕੋਲੋਂ ਗੱਡੀ ਕੰਟਰੋਲ ਨਹੀਂ ਹੋਈ ਤੇ ਉਸਨੇ ਸੜਕ 'ਤੇ ਖੜੇ ਊਬਰ ਡਰਾਈਵਰ ਵਿੱਚ ਗੱਡੀ ਲੈ ਜਾ ਮਾਰੀ। ਇਸ ਹਾਦਸੇ ਕਾਰਨ ਮੌਕੇ 'ਤੇ ਪੁੱਜੀ ਪੁਲਿਸ ਨੇ ਜਦੋਂ ਮਹਿਲਾ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਨੂੰ ਉਸ 'ਤੇ ਸ਼ੱਕ ਹੋਇਆ ਤੇ ਗੱਡੀ ਦੀ ਤਲਾਸ਼ੀ ਦੌਰਾਨ ਉਕਤ ਸਾਰਾ ਸਮਾਨ ਕਈ ਨਸ਼ੀਲੇ ਪਦਾਰਥਾਂ ਸਮੇਤ ਬਰਾਮਦ ਹੋਇਆ। ਉਬਰ ਡਰਾਈਵਰ ਇਸ ਘਟਨਾ ਵਿੱਚ ਜਖਮੀ ਹੋਇਆ ਹੈ ਤੇ ਉਸਨੂੰ ਹਸਪਤਾਲ ਭਰਤੀ ਕਰਵਾਇਆ ਗਿਆ ਹੈ, ਪਰ ਉਸ ਵਲੋਂ ਅਚਾਨਕ ਹੋਈ ਮੱਦਦ ਕਾਰਨ ਕਈਆਂ ਦਾ ਨੁਕਸਾਨ ਹੋਣੋ ਬਚਾਅ ਹੋ ਗਿਆ ਹੈ।