ਮੈਲਬੋਰਨ (ਹਰਪ੍ਰੀਤ ਸਿੰਘ) - ਆਉਂਦੇ ਸ਼ੁੱਕਰਵਾਰ (27 ਸਤੰਬਰ) ਤੋਂ ਐਤਵਾਰ (29 ਸਤੰਬਰ) ਤੱਕ ਮੈਲਬੋਰਨ ਵਿੱਚ ਹੋਣ ਜਾ ਰਹੇ ਇੰਟਰਨੈਸ਼ਨਲ ਹਾਕੀ ਕੱਪ ਮੈਲਬੋਰਨ, ਨੂੰ ਹੋਰ ਵੀ ਜਿਆਦਾ ਰੋਮਾਂਚਕ ਬਨਾਉਣ ਤੇ ਦਰਸ਼ਕਾਂ ਨੂੰ ਖਿੱਚ ਪਾਉਣ ਲਈ ਆਯੋਜਕਾਂ ਨੇ ਟੂਰਨਾਮੈਂਟ ਦੇਖਣ ਆਉਣ ਵਾਲੇ ਦਰਸ਼ਕਾਂ ਲਈ ਨਵਾਂ ਬੁਲੇਟ ਮੋਟਰਸਾਈਕਲ ਇਨਾਮ ਵਜੋਂ ਦੇਣ ਦਾ ਐਲਾਨ ਕੀਤਾ ਹੈ, ਜੋ ਕਿ ਡਰਾਅ ਰਾਂਹੀ ਸ਼ਰਤੀਆ ਕਿਸੇ ਦਰਸ਼ਕ ਨੂੰ ਹੀ ਦਿੱਤਾ ਜਾਏਗਾ।
ਹਰ ਸਾਲ ਸਤੰਬਰ ਵਿੱਚ ਦੁਨੀਆਂ ਭਰ ਤੋਂ ਹਾਕੀ ਦੇ ਖਿਡਾਰੀ ਇਸ ਟੂਰਨਾਮੈਂਟ ਵਿੱਚ ਹਿੱਸਾ ਲੈਣ ਪੁੱਜਦੇ ਹਨ, ਜਿਨ੍ਹਾਂ ਨੂੰ ਦੇਖਣ ਲਈ ਹਜਾਰਾਂ ਦੀ ਗਿਣਤੀ ਵਿੱਚ ਦਰਸ਼ਕ ਪਰਿਵਾਰਾਂ ਸਮੇਤ ਪੁੱਜਦੇ ਹਨ। ਇਹ ਟੂਰਨਾਮੈਂਟ ਮੈਲਬੋਰਨ ਸਪੋਰਟਸ ਸੈਂਟਰ, ਪਾਰਕਵਿਲੇ ਕਰਵਾਇਆ ਜਾਣਾ ਹੈ।