ਆਕਲੈਂਡ (ਹਰਪ੍ਰੀਤ ਸਿੰਘ) - ਸੁਪਰੀਮ ਸਿੱਖ ਸੁਸਾਇਟੀ ਆਫ ਨਿਊਜੀਲੈਂਡ ਤੇ ਸਿੱਖ ਹੈਰੀਟੇਜ ਸਕੂਲ ਵਲੋਂ ਕਰਵਾਏ ਜਾ ਰਹੇ ਨਿਊਜੀਲੈਂਡ ਦੇ ਸਿੱਖ ਬੱਚਿਆਂ ਦੇ ਸਭ ਤੋਂ ਵੱਡੇ ਇਵੈਂਟ 'ਸਿੱਖ ਚਿਲਡਰਨ ਡੇਅ' ਦੇ ਪਹਿਲੇ ਦਿਨ ਸੰਗਤਾਂ ਤੇ ਭਾਈਚਾਰੇ ਵਿੱਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਿਲਆ। ਵੱਖੋ-ਵੱਖ ਕੰਪੀਟਿਸ਼ਨਾਂ ਵਿੱਚ ਹਿੱਸਾ ਲੈਣ ਲਈ ਹਜਾਰ ਦੇ ਕਰੀਬ ਬੱਚਿਆਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਸੀ।
ਇਸ ਮੌਕੇ ਡੇਨੀਅਲ ਨਿਊਮੇਨ, ਐਮ ਪੀ ਰੀਮਾ ਨਾਖਲੇ, ਲੋਕਲ ਬੋਰਡ ਮੈਂਬਰ ਪਾਪਾਕੁਰਾ, ਡਿਪਟੀ ਚੇਅਰ ਜੇਨ ਰੋਬਿਨਸਨ, ਮੈਨੁਰੇਵਾ ਲੋਕਲ ਬੋਰਡ ਮੈਂਬਰ, ਨਵਤੇਜ ਸਿੰਘ, ਖੜਕ ਸਿੰਘ ਖਾਸਤੌਰ 'ਤੇ ਪੁੱਜੇ।
ਗੁਰਦੁਆਰਾ ਸਾਹਿਬ ਵਿੱਚ ਦੇਸੀ ਘਿਓ ਦੀਆਂ ਜਲੇਬੀਆਂ, ਪੀਜੇ, ਪਕੌੜਿਆਂ, ਆਈਸਕ੍ਰੀਮ, ਬੱਚਿਆਂ ਲਈ ਕੋਟਨ ਕੈਂਡੀ, ਮੈਂਗੋਸ਼ੇਕ ਆਦਿ ਦੇ ਖੁੱਲੇ ਲੰਗਰ ਸਾਰਾ ਦਿਨ ਚੱਲੇ। ਬੱਚਿਆਂ ਦੇ ਮਨੋਰੰਜਨ ਲਈ ਕਈ ਤਰ੍ਹਾਂ ਦੇ ਝੂਲੇ ਵੀ ਗੁਰਦੁਆਰਾ ਸਾਹਿਬ ਵਿਖੇ ਲਾਏ ਗਏ ਸਨ।