ਆਕਲੈਂਡ (ਹਰਪ੍ਰੀਤ ਸਿੰਘ) - ਬਹੁਤ ਹੀ ਮੰਦਭਾਗੇ ਹਾਦਸੇ ਵਿੱਚ 3 ਨੌਜਵਾਨ ਬੱਚਿਆਂ ਦੀ ਮੌਤ ਹੋਣ ਦੀ ਖਬਰ ਹੈ। ਹਾਦਸਾ ਮਾਰਲਬੋਰੋ ਦੀ ਟੁਆਮੇਰੀਨਾ ਨਦੀ ਵਿੱਚ ਕਾਰ ਦੇ ਅਚਾਨਕ ਡਿੱਗਣ ਕਾਰਨ ਵਾਪਰਿਆ, ਜਿਸ ਵਿੱਚ 5 ਨੌਜਵਾਨ ਸਵਾਰ ਸਨ, ਇਨ੍ਹਾਂ ਵਿੱਚੋਂ 2 ਤਾਂ ਕਿਸੇ ਤਰੀਕੇ ਤੈਰਕੇ ਬਾਹਰ ਆ ਗਏ, ਪਰ 3 ਦਾ ਮੌਕੇ 'ਤੇ ਕੁਝ ਨਾ ਪਤਾ ਲੱਗਾ। ਪਰ ਜਦੋਂ ਡਾਈਵਿੰਗ ਸਕੁਅਡ ਨੇ ਕਾਰ ਦੀ ਨਦੀ ਵਿੱਚ ਭਾਲ ਕੀਤੀ ਤਾਂ 3 ਮ੍ਰਿਤਕ ਦੇਹਾਂ ਕਾਰ ਵਿੱਚੋਂ ਹੀ ਬਰਾਮਦ ਹੋਈਆਂ। ਮ੍ਰਿਤਕ ਨੌਜਵਾਨ ਆਪਸ ਵਿੱਚ ਚੰਗੇ ਦੋਸਤ ਸਨ ਤੇ ਕਾਫੀ ਹੌਣਹਾਰ ਦੱਸੇ ਜਾ ਰਹੇ ਹਨ।