ਆਕਲੈਂਡ (ਹਰਪ੍ਰੀਤ ਸਿੰਘ) - ਕ੍ਰਾਈਸਚਰਚ ਦੇ ਬੇਕਨਹੇਮ ਦੇ ਸੈਂਡਵਿਚ ਰੋਡ 'ਤੇ ਇੱਕ ਮਹਿਲਾ ਦੀ ਪ੍ਰਾਪਰਟੀ ਤੋਂ 'ਟਾਈਨੀ ਹੋਮ' ਚੋਰੀ ਹੋਣ ਦੀ ਖਬਰ ਹੈ। ਚੋਰ ਨੇ ਘਰ ਚੋਰੀ ਕਰਨ ਲਈ 6 ਮੀਟਰ ਚੌੜੀ ਫੈਂਸ ਨੂੰ ਕੱਟਿਆ ਤੇ ਉਸਤੋਂ ਬਾਅਦ ਘਰ ਚੋਰੀ ਕੀਤਾ। ਘਰ ਚੋਰੀ ਹੋਣ ਤੋਂ ਬਾਅਦ ਮਹਿਲਾ ਨੇ ਇਸ ਬਾਰੇ ਸੋਸ਼ਲ ਮੀਡੀਆ 'ਤੇ ਵੀ ਲੋਕਾਂ ਨੂੰ ਘਰ ਲੱਭਣ ਦੀ ਗੁਜਾਰਿਸ਼ ਕੀਤੀ, ਜਿਸ ਤੋਂ ਬਾਅਦ ਪੁਲਿਸ ਨੂੰ ਇਸ ਘਰ ਬਾਰੇ ਸੂਚਨਾ ਮਿਲੀ ਤੇ ਇਸ ਘਰ ਨੂੰ ਲੱਭਣ ਵਿੱਚ ਸਫਲਤਾ ਮਿਲੀ। ਪੁਲਿਸ ਨੇ ਇਸ ਘਰ ਚੋਰੀ ਮਾਮਲੇ ਵਿੱਚ 40 ਸਾਲਾ ਵਿਅਕਤੀ ਦੀ ਗ੍ਰਿਫਤਾਰੀ ਵੀ ਕੀਤੀ ਹੈ, ਜਿਸ ਦੀ ਪੇਸ਼ੀ ਅਦਾਲਤ ਵਿੱਚ ਕਰਵਾਈ ਗਈ ਹੈ।