ਆਕਲੈਂਡ (ਹਰਪ੍ਰੀਤ ਸਿੰਘ) - 1960 ਦੇ ਦਹਾਕੇ ਤੋਂ ਪ੍ਰੱਸਿਧ ਰਹੇ ਨਿਊਜੀਲੈਂਡ ਦੇ ਦੁਨੀਆਂ ਭਰ ਵਿੱਚ ਮਸ਼ਹੂਰ ਫੋਟੋਗ੍ਰਾਫਰ ਫ੍ਰੇਂਕ ਹੇਬੀਸ਼ਟ ਦਾ 86 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋਣ ਦੀ ਖਬਰ ਹੈ। ਫ੍ਰੇਂਕ ਸ਼ੁਰੂ ਤੋਂ ਹੀ ਆਪਣੇ ਨਿਵੇਕਲੇ ਕੰਮ ਲਈ ਜਾਣੇ ਜਾਂਦੇ ਸਨ। ਕਾਵਾਕਾਵਾ ਹਸਪਤਾਲ ਵਿੱਚ ਉਨ੍ਹਾਂ ਆਖਰੀ ਸਾਹ ਲਏ, ਪਰਿਵਾਰ ਅਨੁਸਾਰ ਉਹ ਬੀਤੇ 3 ਸਾਲਾਂ ਤੋਂ ਬਿਮਾਰ ਸਨ। ਉਨ੍ਹਾਂ ਦੇ ਪਰਿਵਾਰ ਅਨੁਸਾਰ ਫ੍ਰੇਂਕ ਨੂੰ ਫੋਟੋਗ੍ਰਾਫੀ ਨਾਲ ਬਹੁਤ ਜਿਆਦਾ ਪਿਆਰ ਸੀ ਤੇ ਇਹ ਸਭ ਉਨ੍ਹਾਂ ਦੇ ਕੰਮ ਤੋਂ ਵੀ ਦਿੱਖਦਾ ਹੈ।