ਆਕਲੈਂਡ (ਹਰਪ੍ਰੀਤ ਸਿੰਘ) - ਆਸਟ੍ਰੇਲੀਆ ਤੋਂ ਆਕਲੈਂਡ ਏਅਰਪੋਰਟ ਵਿਖੇ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ 51 ਸੰਪੂਰਨ ਸਰੂਪ ਅੱਜ ਸ਼ਾਮ ਪੁੱਜ ਗਏ ਹਨ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਸੰਗਤਾਂ ਆਕਲੈਂਡ ਏਅਰਪੋਰਟ ਗੁਰੂ ਸਾਹਿਬ ਦੇ ਸਵਾਗਤ ਲਈ ਪੁੱਜੀਆਂ ਤੇ ਇਸ ਵੱਡਭਾਗੇ ਮੌਕੇ ਨੂੰ ਅਮਿੱਟ ਯਾਦ ਵਿੱਚ ਤਬਦੀਲ ਕੀਤਾ।
ਗੁਰੂ ਗ੍ਰੰਥ ਸਾਹਿਬ ਦਾ ਇੱਕ ਪਵਿੱਤਰ ਸਰੂਪ ਆਕਲੈਂਡ ਤੋਂ ਕੁਈਨਜ਼ਟਾਊਨ ਗੁਰਦੁਆਰਾ ਸਾਹਿਬ ਸੋਮਵਾਰ 28 ਅਕਤੂਬਰ ਨੂੰ ਲੈ ਜਾਇਆ ਜਾਣਾ ਹੈ। ਇਹ ਯਾਤਰਾ ਵੈਨ ਰਾਂਹੀ ਸੰਪਨ ਕੀਤੀ ਜਾਏਗੀ। ਇਸ ਮੌਕੇ ਕੁਈਨਜ਼ਟਾਊਨ ਗੁਰਦੁਆਰਾ ਸਾਹਿਬ ਅਤੇ ਸੰਗਤਾਂ ਵਲੋਂ ਵਿਸ਼ੇਸ਼ ਪ੍ਰੋਗਰਾਮ ਉਲੀਕਿਆ ਗਿਆ ਹੈ ਤਾਂ ਜੋ ਇਹ ਸਮਾਂ ਸੰਗਤਾਂ ਲਈ ਯਾਦਗਾਰ ਬਣ ਸਕੇ। ਇਹ ਯਾਤਰਾ ਕੁਈਨਜ਼ਟਾਊਨ ਦੇ ਹੈਨਲੇ'ਜ਼ ਫਾਰਮ ਸਥਿਤ ਗੁਰਦੁਆਰਾ ਸਾਹਿਬ ਵਿਖੇ ਸ਼ਾਮ 4.30 ਵਜੇ ਸੰਪਨ ਹੋਏਗੀ।