ਆਕਲੈਂਡ (ਹਰਪ੍ਰੀਤ ਸਿੰਘ) - ਭਾਰਤ ਦੌਰੇ 'ਤੇ ਗਈ ਨਿਊਜੀਲੈਂਡ ਦੀ ਟੀਮ ਨੇ ਭਾਰਤ ਨੂੰ ਸੀਰੀਜ਼ ਦੇ ਲਗਾਤਾਰ ਦੂਜੇ ਟੈਸਟ ਮੈਚ ਵਿੱਚ ਹਰਾਕੇ 3 ਟੈਸਟ ਮੈਚਾਂ ਦੀ ਸੀਰੀਜ਼ ਆਪਣੇ ਨਾਮ ਕਰ ਲਈ ਹੈ। ਪੂਨੇ ਵਿੱਚ ਹੋਏ ਦੂਜੇ ਟੈਸਟ ਨੂੰ ਨਿਊਜੀਲੈਂਡ ਦੀ ਟੀਮ ਨੇ 113 ਦੌੜਾਂ ਨਾਲ ਜਿੱਤਿਆ ਹੈ।
ਨਿਊਜੀਲੈਂਡ ਦੀ ਟੀਮ ਨੇ ਸਿਰਫ ਸੀਰੀਜ਼ ਹੀ ਨਹੀਂ ਜਿੱਤੀ, ਬਲਕਿ ਭਾਰਤ ਨੂੰ ਘਰ ਵਿੱਚ ਹੀ ਸੀਰੀਜ਼ ਹਰਾਉਣ ਵਿੱਚ 12 ਸਾਲ ਬਾਅਦ ਕੋਈ ਟੀਮ ਸਫਲ ਹੋਈ ਹੈ, ਇਸ ਤੋਂ ਇਲਾਵਾ ਇਸ ਸੈਂਚਰੀ ਵਿੱਚ ਆਸਟ੍ਰੇਲੀਆ ਤੇ ਇੰਗਲੈਂਡ ਤੋਂ ਬਾਅਦ ਨਿਊਜੀਲੈਂਡ ਸਿਰਫ ਤੀਜੀ ਟੀਮ ਬਣ ਗਈ ਹੈ, ਜਿਸਨੇ ਭਾਰਤ ਨੂੰ ਘਰ ਵਿੱਚ ਹੀ ਸੀਰੀਜ਼ ਹਰਾਈ ਹੈ। ਇਸ ਤੋਂ ਪਹਿਲਾਂ ਨਿਊਜੀਲੈਂਡ ਦੀ ਟੀਮ 1988 ਵਿੱਚ ਭਾਰਤ ਵਿੱਚ ਸੀਰੀਜ਼ ਜਿੱਤੀ ਸੀ।