ਆਕਲੈਂਡ (ਹਰਪ੍ਰੀਤ ਸਿੰਘ) - ਕਬੱਡੀ ਫੈਡਰੇਸ਼ਨ ਆਫ ਨਿਊਜੀਲੈਂਡ ਅਤੇ ਕਲਗੀਧਰ ਸਪੋਰਟਸ ਕਲੱਬ ਅਤੇ ਯੰਗ ਪੰਜਾਬੀ ਸਪੋਰਟਸ ਐਂਡ ਕਲਚਰਲ ਕਲੱਬ ਵਲੋਂ ਟਾਕਾਨਿਨੀ ਸਿੱਖ ਸਪੋਰਟਸ ਕੰਪਲੈਕਸ ਵਿਖੇ ਖੇਡਾਂ ਦਾ ਟੂਰਨਾਮੈਂਟ ਕਰਵਾਇਆ ਗਿਆ। ਇਸ ਮੌਕੇ ਬਹੁਤ ਵੱਡੀ ਗਿਣਤੀ ਵਿੱਚ ਦਰਸ਼ਕ ਖੇਡ ਟੂਰਨਾਮੈਂਟ ਦੇਖਣ ਪੁੱਜੇ, ਜਿਨ੍ਹਾਂ ਗੁਰੂਘਰ ਵਿਖੇ ਚੱਲ ਰਹੇ ਲੰਗਰਾਂ ਦੇ ਵੱਖੋ-ਵੱਖ ਸਟਾਲਾਂ ਦਾ ਆਨੰਦ ਵੀ ਮਾਣਿਆ।
ਵਾਲੀਬਾਲ ਟੂਰਨਾਮੈਂਟ ਵਿੱਚ ਕਲਗੀਧਰ ਸਪੋਰਟਸ ਕਲੱਬ ਦੀ ਟੀਮ ਪਹਿਲੇ ਨੰਬਰ 'ਤੇ ਰਹੀ ਤੇ ਦੂਜੇ ਨੰਬਰ 'ਤੇ ਟਾਈਗਰ ਸਪੋਟਸ ਕਲੱਬ ਟੌਰੰਗਾ ਦੀ ਟੀਮ
ਕਬੱਡੀ ਦੇ ਮੁਕਾਬਲਿਆਂ ਵਿੱਚ ਪਹਿਲੇ ਨੰਬਰ 'ਤੇ ਵਾਇਕਾਟੋ ਸਪੋਰਟਸ ਕਲੱਬ ਦੀ ਟੀਮ, ਦੂਜੇ ਨੰਬਰ 'ਤੇ ਆਕਲੈਂਡ ਕਬੱਡੀ ਕੱਪ ਰਹੀ
ਬੈਸਟ ਰੇਡਰ ਬਲਬਨ ਤੂਰ ਰਿਹਾ ਤੇ ਬੈਸਟ ਸਟੋਪਰ ਇੰਦਰ ਤਲਵੰਡੀ ਰਿਹਾ।
ਟੂਰਨਾਮੈਂਟ ਤੋਂ ਬਾਅਦ ਮੁੱਖ ਸ਼ਖਸੀਅਤਾਂ ਤੇ ਮੁੱਖ ਮਹਿਮਾਨਾਂ ਦਾ ਮਾਨ-ਸਨਮਾਨ ਵੀ ਕੀਤਾ ਗਿਆ।
ਗੁਰਮੁਖ ਸਿੰਘ ਚੀਮਾ ਦਾ ਸੋਨੇ ਦੇ ਖੰਡੇ ਨਾਲ ਸਨਮਾਨ ਕੀਤਾ ਗਿਆ, ਨਾਲ ਹੀ ਕਲਗੀਧਰ ਕਬੱਡੀ ਕਲੱਬ ਦੇ ਸਾਰੇ ਮੈਂਬਰਾਂ ਦਾ ਸਨਮਾਨ ਕੀਤਾ ਗਿਆ।
ਮਿਊਜਿਕਲ ਚੇਅਰ ਦੀਆਂ ਜੇਤੂ ਬੀਬੀਆਂ ਨੂੰ ਗਿਫਟ ਵਾਊਚਰਾਂ ਨਾਲ ਸਨਮਾਨਿਤ ਕੀਤਾ ਗਿਆ ਤੇ ਦਰਸ਼ਕਾਂ ਲਈ ਡਾਇਮੰਡ ਰਿੰਗ ਤੇ ਐਲ ਈ ਡੀ ਟੀ ਵੀ ਵੀ ਡਰਾਅ ਵਿੱਚ ਕੱਢਿਆ ਗਿਆ।