ਆਕਲੈਂਡ (ਹਰਪ੍ਰੀਤ ਸਿੰਘ) - ਅੱਜ ਆਕਲੈਂਡ ਦੀ ਸੀਨੀਅਰ ਪੁਲਿਸ ਲੀਡਰਸ਼ਿਪ ਟੀਮ ਟਾਕਾਨਿਨੀ ਗੁਰੂਘਰ ਦਾ ਵਿਸ਼ੇਸ਼ ਦੌਰਾ ਕਰਨ ਪੁੱਜੀ, ਇਹ ਟੀਮ ਪੂਰਬੀ ਆਕਲੈਂਡ ਤੋਂ ਗੁਰੂਘਰ ਦੇ ਵਿਸ਼ੇਸ਼ ਦੌਰੇ ਲਈ ਪੁੱਜੀ ਸੀ, ਜਿਸ ਵਿੱਚ ਇੰਸਪੈਕਟਰ ਰੋਡਨੀ ਹੋਨਨ (ਏਰੀਆ ਕਮਾਂਡਰ ਈਸਟ) ਦੀ ਅਗਵਾਈ ਵਿੱਚ ਰਕਾਨਾ ਕੁਕ (ਏਰੀਆ ਪ੍ਰੀਵੈਂਸ਼ਨ ਮੈਨੇਜਰ ਈਸਟ) ਸਮੇਤ ਹੋਰ ਕਈ ਪੁਲਿਸ ਅਧਿਕਾਰੀ ਮੌਜੂਦ ਸਨ। ਪੂਰੀ ਦੀ ਪੂਰੀ ਟੀਮ ਨੇ ਗੁਰੂਘਰ ਵਿੱਚ ਮੌਜੂਦ ਚਾਈਲਡ ਕੇਅਰ, ਸਿੱਖ ਸਪੋਰਟਸ ਕੰਪਲੈਕਸ, ਸਕੂਲ ਦੀਆਂ ਸੁਵਿਧਾਵਾਂ ਦਾ ਵਿਸਥਾਰ ਦੌਰਾ ਕੀਤਾ ਤੇ ਨਾਲ ਹੀ ਸਿੱਖ ਧਰਮ ਦੇ ਬਾਰੇ ਸੁਪਰੀਮ ਸਿੱਖ ਸੁਸਾਇਟੀ ਦੇ ਮੈਂਬਰਾਂ ਨਾਲ ਡੁੰਘਿਆਈ 'ਤੇ ਸਾਂਝ ਪਾਈ। ਅੱਜ ਦੀ ਇਸ ਵਿਸ਼ੇਸ਼ ਫੇਰੀ ਮੌਕੇ ਸੀਨੀਅਰ ਸਾਰਜੇਂਟ ਤੇ ਹੋਰ ਕਾਂਸਟੇਬੁਲਰੀ ਸਟਾਫ ਵੀ ਇਸ ਟੀਮ ਦਾ ਹਿੱਸਾ ਰਹੇ।